I themi Edi Ramës që të largohet sa më parë, të largohet sa nuk është vonë", tha Spaho.
Kreu i PD, mesazh ambasadorëve: Të huajve u themi se kjo nuk është Shqipëria europiane
Kreu i opozitës, Lulzim Basha, para mijëra mbështetësve dje në sheshin "Dëshmorët e Kombit, fjalimin e nisi me vargjet e Migjenit për të treguar mjerimin që ka pllakosur vendin. Sipas tij, largimi i qeverisë së paligjshme, krijimi i qeverisë antimafie, që lufton krimin çon përpara reformën në drejtësi dhe përgatit zgjedhjet e lira e të ndershme. "Përditë shoh qartë e ma qartë dhe vuaj thellë e ma thellë!. Kështu e përshkroi Migjeni zgjimin e një populli për të parë dramën e tij. E keqja nuk ikën po nuk u bashkuam të gjithë kundër saj. Dhe ja ku jemi bashkuar sot, në këtë plebishit madhështor, nga më mëdhenjtë që ka njohur historia e demokracisë. Mirë se keni ardhur zonja dhe zotërinj në këtë orë të madhe dhe vendimtare të bashkimit të popullit kundër të keqes!", deklaroi z. Basha. 27 janari për kreun e demokratëve shënoi edhe fundin e projektit antikombëtar, antieuropian e antidemokratik, që sipas tij ka instaluar në vend kryeministri Rama. "Ne e duam Saimir Tahirin para drejtësisë, pa imunitet. I duam ministrat dhe politikanët e lidhur me krimin dhe korrupsionin në burg. I duam kriminelët e drogës, të trafikut të qenieve njerëzore, të gjobëvënies dhe shantazheve në burg, sepse duam një qeveri të lirë nga krimi dhe nga oligarkia", deklaroi z. Basha. Kushti i panegociueshëm për këtë protestë është largimi i kryeministrit. Kreu i PD- së, Lulzim Basha nga foltorja e ngritur para zyrës së kryeministrit Rama lëshoi një mesazh edhe për ambasadorët e huaj, duke u shprehur se Shqipëria sot vetëm demokraci europiane nuk mund të quhet. Sipas tij, shqiptarëve u ka arritur thika në palcë nga kjo qeveri dhe opozita e tij s'mund ta pranojë më një situatë të tillë. "Thika u ka arritur shqiptarëve në palcë, u them të huajve se kjo nuk është Shqipëria europiane. Kjo është diktaturë europiane. Ne e refuzojmë, nuk e duam e nuk e duam Shqipërinë me standardet e Afrikës e Azisë. Unë jam kryetari i një partie që ka lindur me thirrjen ' ta bëjmë Sh- Kreu i PR- së, Mediu tha se Shqipëria është vend i bekuar nga Zoti, por e mallkuar nga kjo qeveri. "Shqipërinë e ka bekuar Zoti, por e ka mallkuar kjo qeveri, prandaj të gjithë së bashku ta heqim nga pushteti. Ne jemi të njohur në mbarë botën si vendi i krimit dhe drogës. Le të marrim në dorë fatin tonë".