Protesta, Ministria e Brendshme: E qetë, falënderojmë qytetarët e policinë
Ministria
Brendshme reagoi përmes një deklarate për mediat pas protestës së organizuar nga opozita e bashkuar, të cilës i është bashkuar edhe LSI, në Bulevardin "Dëshmorët e Kombit". Në këtë reagim, MB thekson se tubimi është zhvilluar i qetë dhe në mënyrë qytetare, ndërsa falënderon pjesëmarrësit për shmangien e incidenteve dhe Policinë e Shtetit, të cilët garantuan mbarëvajtjen e kësaj proteste. "Më 27 janar 2018, PD dhe aleatët e saj organizuan një protestë të paralajmëruar në kryeqytet. Ajo u zhvillua në normalitet dhe pa asnjë incident, në përputhje me ligjin nr. 8773, datë 23.04.2001 ' Për tubimet'. Ministria e Brendshme falënderon pjesëmarrësit për mënyrën e qetë dhe qytetarinë e dëshmuar gjatë zhvillimit të kësaj proteste. Falënderojmë qytetarët e Tiranës për mirëkuptimin dhe durimin e dëshmuar, pavarësisht vështirësive që mund të kenë hasur gjatë bllokimit të disa akseve rrugore, sot. Po ashtu, Ministria e Brendshme vlerëson bashkëpunimin me organizatorët e këtij tubimi në mbështetje të punës së Policisë së Shtetit. Është meritë e të gjithë punonjësve dhe drejtuesve të Policisë së Shtetit, të cilët u angazhuan duke menaxhuar me shumë profesionalizëm dhe në respektim të plotë të ligjit mbarëvajtjen e tubim-
KUNDRAGAZ
1500 policë ishin dje në gatishmëri për të siguruar mbarëvajtjen e protestës para Kryeministrisë. Policët ishin pajisur me maska kundragaz për të ndërhyrë nëse do të jetë e nevojshme. Mbi godinat pranë bulevardit përballë Kryeministrisë, por edhe atë të qeverisë ishin efektivë me snajpera për të vëzhguar situatën dhe fotografuar protestën.
it dhe garantuan jo vetëm të drejtën e qytetarëve për të protestuar, por edhe rendin e sigurinë. Policia e Shtetit administroi me korrektesë të gjithë lëvizjen në akset rrugore dhe parkimin në Tiranë të rreth 70 autobusëve, 90 minibusëve dhe një numri të konsiderueshëm furgonësh dhe automjetesh, të ardhura për tubimin e organizuar nga PD dhe partitë e saj aleate nga të 12 qarqet e Shqipërisë", thuhet në deklaratën e MB- së.