Ultimatum drejtuar dy qeverive, në të kundërt protesta në dogana
Tregtia e lirë bashkon prodhuesit nga Shqipëria dhe Kosova
Prodhuesit
nga Sh qipëria dhe Kosova janë mbledhur të hënën në Prishtinë për të nënshkruar kërkesat specifike drejtuar qeverive të dy vendeve. Objektivi kryesor i sipërmarrjes kombëtare është heqja e barrierave tarifore dhe jotarifore për qarkullimin e lirë tregtar dhe ekonomik mes Shqipërisë dhe Kosovës. Dokumenti është nënshkruar nga "Bashkimi i Prodhuesve Shqiptarë" dhe "Klubi i Prodhuesve të Kosovës" me mbështetjen e "Forumit Ekonomik të Prodhuesve Kombëtar Shqiptarë". Në total janë 10 kërkesa, të grupuara në dy hapa, ku për hapin e parë qeverive u vendoset një ultimatum kohor për përmbushjen e tyre, në të kundërt grupet e prodhuesve paralajmërojnë se do të përshkallëzohet me protesta në të gjitha pikat doganore. Kërkesa e parë është heqjen e pagesës për skanerin në Republikën e Shqipërisë për të gjithë qarkullimin tregtar importeksport, Shqipëri- Kosovë; ( Kërkesa i drejtohet qeverisë së Shqipërisë, afati i përmbushjes së kësaj kërkese 30 maj 2018) dhe më pas heqja e pagesës për terminalet doganore në Republikën e Kosovës për të gjithë qarkullimin tregtar import- eksport, Shqipëri- Kosovë dhe Kosovë- Shqipëri; ( Kërkesa i drejtohet qeverisë së Kosovës, afati i përmbushjes së kësaj kërkese 30 prill 2018). Në listën e kërkesave është njohja e certifikimeve dhe analizave fitosanitare të të gjithë produkteve që i nënshtrohen këtyre analizave dhe certifikatave; ( Kërkesa i drejtohet të dy qeverive, afati i përmbushjes së kësaj kërkese 30 mars 2018). Të tjera kërkesa janë: Thjeshtimi i procedurave për eksporti- min e produkteve farmaceutike për sipërmarrësit e Kosovës dhe Shqipërisë; ( Kërkesa i drejtohet të dy qeverive, afati i përmbushjes së kësaj kërkese 30 mars 2018), përshpejtimi i procedurave doganore, në trajtimin e praktikave të qarkullimit tregtar dhe ekonomik ndërmjet dy shteteve. ( Kërkesa i drejtohet të dy qeverive, afati i përmbushjes së kësaj kërkese 30 prill 2018) dhe kërkesa për rishikimin e kufirit për akcizën e birrës. Aktualisht është 200.000 hektolitër. Në mënyrë që konkurrenca të jetë në favor të të gjithë sipërmarrësve kërkohet që kufiri të vendoset: a) ose të ulet në 50.000 hektolitër; b) ose të ngrihet në 500.000 hektolitër.