Rama: Negociatat më afër se kurrë Bushati: BE të forcojë angazhimin
Qeveria shqiptare mirëpret strategjinë e Komisionit Evropian Ministri: Shpresojmë që ky vlerësim të mbështetet nga anëtarët e BE
Kryeministri Edi Rama deklaroi dje, se hapja e negociatave me Bashkimin Evropian është më afër se kurrë. Pas prezantimit të Strategjisë së Zgjerimit të BE drejt Ballkanit nga komisioneri Johannes Hahn dhe shefja e Politikës së Jashtme, Federica Mogherini, ku Shqipëria dhe Mali i Zi u vlerësuan se i kanë zbatuar 100% politikat e jashtme të caktuara nga BE reagoi kryeministri Edi Rama. Nëpërmjet një postimi në "Facebook", kreu i qeverisë shprehet me tone optimiste. "Mirëpresim çka thuhet për Shqipërinë në strategjinë e BE. Negociatat më afër se kurrë. Pastaj gjithçka do varet nga fuqia e vrapimit tonë' - shkroi ai. Ndërkohë në një reagim të tij, nga Lituania, ku ishte për një vizitë zyrtare, Ministri për Evropën e Punët e Jashtme, Ditmir Bushati u shpreh: "Strategjia e Zgjerimit e Komisionit Evropian dëshmon vëmendjen ndaj Ballkanit Perëndimor, sikundër ofron një listë masash për integrimin dhe transformimin e të gjitha vendeve të rajonit në Bashkimin Evropian". "Reforma në drejtësi, zë një vend qendror, ku sipas modelit të reformës së thellë e transformuese të Shqipërisë, vendeve të rajonit u rekomandohet një plan konkret hapash dhe masash për përgatitjen e tyre për zbatimin e detyrimeve që burojnë prej anëtarësimit në BE", tha më tej, ministri i Jashtëm. "Mirëpresim vlerësimin e Komisionit Europian dhe gatishmërinë për fillimin e bisedimeve të anëtarësimit me Shqipërinë. Ne besojmë që ky vlerësim i Komisionit do të mbështetet njëzëri nga vendet anëtarë të Bashkimit Evropian, si një investim i qëndrueshëm për procesin e pakthyeshëm të reformave në Shqipëri dhe stabilitetin demokratik të rajonit",- nënvizoi Bushati. "Duke pasur parasysh hendekun zhvillimor mes vendeve të rajonit dhe BE- së, mirëpresim që angazhimet e kësaj strategjie të specifikohen më tej me programe e instrumente finan- ciare në mbështetje të infrastrukturës, ndërlidhjes, arsimit e sigurisë energjetike të rajonit tonë. Shpresojmë që Bashkimi Evropian të forcojë angazhimin në rajon Kryetari i Grupit të PS, Taulant Balla e lexon si inkurajues mesazhin e Vlahutin dhe Hahn për integrimin e Ballkanit në BE. "Shqipëria, Kosova dhe vendet e tjera të Ballkanit Perëndimor të ardhmen e tyre e kanë në BE. Ky është mesazhi i qartë në Strategjinë "Juncker"'shprehet Balla në "Facebook".
e të demonstrojë qartësi strategjike për të transformuar thellësisht dhe këtë pjesë të Evropës",- përfundoi reagimin e tij, ministri Bushati.