Vlahutin: Qeveria dhe opozita të punojnë deri në pranverë me konstruktivitet
Ambasadorja e BE: Do të monitorojmë ecurinë e reformave
Ambasadorja
e BE në Tiranë, Romana Vlahutin deklaroi dje, gjatë prezantimit të strategjisë së zgjerimit për vendet e Ballkanit Perëndimor se duhen zbatuar reformat. "Është i nevojshëm dialogu konstruktiv në të gjithë spektrin politik. Qeveria t'i hapë mundësi opozitës dhe kjo e fundit të angazhohet në mënyrë konstruktive. Shpejtësia e anëtarësimit të gjashtë vendeve do të varet nga progresi i gjithsecilit. Shqipëria ka një mundësi reale për të hapur negociatat. Sa më shumë reforma të zbatoni, aq më shpejt do të arrini. Reforma në drejtësi është një punë e bërë përpara. Kështu ju mund të arrini vendet që tashmë i kanë hapur negociatat. Qeveria dhe opozita të punojnë deri në pranverë me konstruktivitet",- u shpreh Vlahutin. Në lidhje me plotësimin e dy institucioneve të rëndësishme KLP- së dhe KLGJ- së, Vlahutin tha: "Ne e kemi parë dhe ndjekur këtë çështje. ONM ka funksione të ndryshme sa i përket zgjedhjes së anëtarëve. Është çështje interpretimi, inter-
PETRIT VASILI
"Opozita do të mbështesë e do të votojë pa hezitim çdo kandidat që respekton ligjin dhe opinionin e ONM. Maxhoranca po e dhunon hapur edhe ligjin, edhe ONM. Në qoftë se Vlahutin është dakord me këtë që mazhoranca bën, le ta thotë qartë, ndryshe çdo thirrje ndaj opozitës është thjesht alibi për antireformën që zbatohet në drejtësi",- tha dje, kreu i Grupit të LSI.
pretimi i parlamentit që ka të njëjtën peshë në lidhje me listën. Fatkeqësi është se nuk u bë përpjekje nga partitë politike duke gjetur zgjidhje te merita". Ajo u shpreh se do të ketë monitorim nga BE sidomos për punën e qeverisë.