Basha, thirrje fermerëve: Ejani në Tiranë të bllokojmë qeverinë
Aksioni i opozitës, kreu i PD- së tur takimesh me grupet e interesit "Do t'ju subvencionojmë, do të mbrojmë prodhimet tuaja"
Kreu i opozitës, Lulzim Basha, nisi dje një tur takimesh me grupet e interesit në kuadër të aksionit të opozitës kundër qeverisë "Rama". Z. Basha inkurajoi dje fermerët të protestojnë para Kryeministrisë kundër braktisjes nga qeveria. Z. Basha u takua në Divjakë me fermerë, të cilët u shprehën të revoltuar nga mbetja pa shitur e prodhimeve të tyre. Ata deklaruan se janë mashtruar në fushatë nga kryeministri Rama. "Nuk marrim asnjë subvencion as në naftë, as në fara, as në plehra kimike", u shprehen fermerët e Divjakës. Konkurrenca e pandershme sipas fermerëve nga prodhimet e importit dhe mungesa e mbështetjes së qeverisë ishin të tjera shqetësime të fermerëve, të cilave Basha u dha si zgjidhje programin e Partisë Demokratike për Bujqësinë. Ata i thanë kryetarit Basha se do t'i hedhin në lumë prodhimet e tyre, por kreu i opozitës i nxiti që në vend që të çojnë dem djersen e tyre, të vijnë në Tiranë, të bllokojnë Kryeministrinë. "Duhet të hedhim Ramën në kanal, jo djersën tuaj", u tha Basha fermerëve, të cilët treguan se një javë më parë kryeministri Rama jo vetëm nuk u ka dhënë zgjidhje problemit të shkaktuar nga qeveria e tij, por është tallur me ta. Kreu i opozitës i nxiti fermerët që të mos zgjedhin rrugën më të shkurtër, pranimin e situatës kokulur dhe hedhjen e prodhimeve. Basha tha se rruga e vetme është bashkimi me opozitën në protestë para Kryeministrisë për të larguar qeverinë, që e ka lidhur fatin me një grusht të korruptuarish dhe kriminelësh. Kreu i opozitës bëri të qartë se Shqipëria e ka plotësisht të mundur subvencionimin e fermerëve me të paktën 150 milionë euro në vit, një masë kjo që sipas planit të Partisë Demokratike, bashkë me uljen me 240 lekë për litër të naftës dhe lehtësi të tjera për uljen e taksave, do të ndikojë menjëherë në rimëkëmbjen e fermerëve. Kryetari i PD shprehu bindjen se, "një qeveri që është
vënë në shërbim të një grushti njerëzish të korruptuar dhe të lidhur me krimin nuk do t'u shërbejë qytetarëve". Sipas Bashës, me programin e PDsë për mbështetjen me 150 milionë dollarë në vit, fermerët
do t'ia dalin të konkurrojnë me importin, të shesin prodhimet në treg dhe të rimëkëmben ekonomikisht. "Do t'ju subvencionojmë, do të mbrojmë prodhimet tuaja", premtoi kreu i PD- së. Në Kreu i opozitës i nxiti fermerët që të mos zgjedhin rrugën më të shkurtër, pranimin e situatës kokulur dhe hedhjen e prodhimeve. Basha tha se rruga e vetme është bashkimi me opozitën në protestë para Kryeministrisë për të larguar qeverinë që e ka lidhur fatin me një grusht të korruptuarish dhe kriminelësh.
takimet me fermerët e Divjakës, kryedemokrati përsëriti qëndrimin e tij se Rama është vënë në shërbim të një grushti njerëzish, ndaj sipas tij, nuk mund të jetë në shërbim të qytetarit.