PD: Dy anëtarë të KLGJ dhe KLP, gjyqtarë e prokurorë të komunizmit
Zbardhen dokumentet e vendimeve politike të Fatmira Lulit dhe Nurihan Seitit "Dënime edhe për rrëzimin e bustit të Enverit"
Demokratët publikuan dje prova për anëtaren e KLGJ- së, Fatmira Luli, që sipas tyre si gjyqtare në kohën e diktaturës ka dënuar qytetarë pse morën pjesë në rrëzimin e bustit të Enver Hoxhës më 20 shkurt 1991 apo për hyrjen në ambasada. Partia Demokratike paraqiti fakte dhe prova të reja për kandidatët e përzgjedhur për KLP dhe KLGJ. Më konkretisht, PD- ja paraqiti përmes deputetit Enkelejd Alibeaj dokumente që provojnë se Fatmira Luli dhe Nurihan Seiti kanë dhënë dënime për agjitacion propagandë, kalim të paligjshëm të kufirit, rrëzimin e bustit të Enver Hoxhës apo hyrjen ambasada. Në këto vendime konstatohet se dënimet dhe akuzat ndaj qytetarëve shqiptarë nga anëtarët e sotëm të KLGJ dhe KLP janë dhënë për motive qartazi politike dhe me akuzë për tradhti ndaj vijës së partisë dhe vlerave të partisë. Kryetari i Këshillit të Legjislacionit, Enkeljed Alibeaj, denoncoi dje sesi sistemi i ri i drejtësisë sipas tij po kapet nga qeveria nëpërmjet promovimit në krye të sistemit të gjyqtarëve dhe prokurorëve të kohës së komunizmit, të përfshirë në gjyqe politike. "Procesi për anëtarët e KLGJ dhe KLP prodhoi një rezultat dramatik, ku sot anëtarë të KLGJ dhe KLP janë jo vetëm kandidatë të përjashtuar nga ONM, jo vetëm kandidatë që nuk plotësojnë kriteret, jo vetëm kandidatë që nuk kanë paguar taksat, të angazhuar në politikë, por edhe individë të kriminalizuar, për shkak se kanë dënuar politikisht qytetarët shqiptarë, thjesht se kanë menduar që liria dhe demokracia janë vlera që duhet të aplikohen edhe në shoqërinë tonë", tha Alibeaj gjatë mbledhjes së Këshillit të Legjislacionit. Sipas PD- së, sistemi i ri i drejtësisë po kapet përmes promovimit të gjyqtarëve dhe prokurorëve të peri-
udhës së komunizmit, që sipas saj janë përfshirë në vendime të drejtpërdrejta politike në atë kohë. "Fatmira Luli ( monumenti) është dënim i dhënë prej asaj në 19 prill 1991 për një person që ka marrë pjesë në 20 shkurt në rrëzimin e monu-
mentit të Enver Hoxhës. ' Fatmira Luli ( ambasada)' është dënim i dhënë nga Fatmira Luli për një person ( minator i Valiasit) që kishte tentuar të futej në ambasadë pas hapjes së ambasadave më 2 korrik 1990. - Fotot Nurihan 1- 15 - janë 4 ven-