Abuzimet me fondet e rrugës Tiranë- Elbasan, reagon Haxhinasto: Jam i hapur për verifikime
"Çdo gjë është me dokumente, sulmet ndaj meje janë politike"
TIRANE - Pas verifikimeve të nisura nga Prokuroria e Krimeve të Rënda për dosjen e rrugës Tiranë - Elbasan, ndaj ishministrit të transporteve Edmond Haxhinasto, ky i fundit ka reaguar duke dhënë një prononcim për mediat. Ish- ministri deklaroi se nuk ka frikë nga verifikimet dhe hetimet e prokurorisë ndaj tij, lidhur me abuzimet me fondet e rrugës Tiranë- Elbasan, dhe aludoi se bëhet fjalë për sulme politike. "Nuk më shqetësojnë as verifikimet dhe as hetimet. Unë kam bërë një drejtim politik dhe veprimtaria është e bazuar në dokumente. Koha e gjyqeve ka mbaruar dhe, nëse më godasin politikisht, unë do i përgjigjem politikisht shumë rreptë"- tha Haxhinasto. Ish- ministri Edmond Haxhinasto po hetohet për abuzimet me rrugën Tiranë- Elbasan e cila edhe pse ka nisur të ndërtohet që në vitin 2011, ende nuk ka përfunduar. Mësohet se verifikimet për Haxhinaston kanë nisur për shkak se nuk ka marrë masa pas disa au- diteve që janë bërë për këtë rrugë. Për dosjen e abuzimeve me rrugët Krimet e Rënda kanë nxjerrë 3 masa arresti për ish- drejtorin e rrugëve Dashamir Xhika dhe Albens Alite e Aksel Qurduka. Për Dashamir Xhikën të njëjtën ditë gjykata e Elbasanit konfirmoi një tjetër masë sigurie me burg, për dosjen e rrugës ElbasanGjinar. Në këtë dosje Dashamir Xhika dhe Andi Toma akuzohen për shpër- dorim fondesh për rrugën e Gjinarit. Avokati i Andi Tomës i ftuar në emisionin "Debati në Channel One", deklaroi ditën e djeshme se, nëse nuk e nxjerr të pafajshëm ish- drejtorin e Përgjithshëm të ARRSH do grisë licencën e avokatit. Fana akuzoi edhe gjykatësen dhe prokuroren e çështjes, që sipas tij kanë manipuluar procedurat e kësaj dosjeje. "Gjykatësja Idush Maliqi ka bërë shkelje në mënyrë flagrante të hapura të procedurave duke marrë copy- paste kërkesën e prokurorisë, dhe duke e vendosur si vendim",- tha ai.