Debate në Parlamentin Evropian, McAllister: Të plotësohen kushtet

Zgjerimi, BE: Të hapen negociatat e anëtarësimit me Shqipërinë Kukan: PE të ndihmojë për zgjedhjen e krizave politike

Bashkimi Evropian pranon që Shqipëria ka bërë progres për hapjen e negociatave, por duke i kujtuar klasës politike se duhet bashkëpunim mes palëve për përmbushjen e reformave integruese. Parlamenti Europian diskutoi në seancë plenare strategjinë e Komisionit Europian për zgjerimin e Bashkimit Europian me vendet e Ballkanit. Raportuesi për Shqipërinë, Knut Fleckenstein, kërkoi hapjen e negociatave me Shqipërinë dhe Maqedoninë këtë vit. Flenckestein shprehet se Shqipëria ka bërë progres për hapjen e negociatave me Bashkimin Europian, ndërsa mirëpret vendimin final: "Ne e mirëpresim këtë strategji, pasi ajo injekton dinamizëm dhe përmes saj u dërgojmë një sinjal miqve tanë në Ballkan, se ne jemi seriozë. Strategjisë nuk i mungojnë vullneti i mirë dhe fjalët e mira, por aty mungon shpejtësia e avancimit të procesit. Sigurisht që duhen hapur më shumë kapituj me Serbinë dhe Malin e Zi, por ne duam të hapin negociata me Shqipërinë dhe Maqedoninë këtë vit. Shqipëria ka bërë progres, po ashtu edhe Maqedonia dhe ne nuk duhet të impresionohemi nga nacionalistët në Selanik, Shkup apo Bruksel", deklaroi z. Fleckenstein. Reagimi i Knut Flenckestein vjen pas prezantimit të strategjisë së BE- së për vendet e Ballkanit Perëndimor. Shefja e Politikës së Jashtme të BE, por edhe zyrtarë të tjerë në tri ditët e fundit kanë vlerësuar avancimin e Shqipërisë, por duke vendosur theksin te reforma në drejtësi. Eurodeputeti Eduard Kukan tha se, "lidhur me mosmarrëveshjet bilaterale, Bashkimi Europian të ndihmojë për t'i zgjidhur këto çështje dhe duhet të gjejë mekanizmat e duhur për t'u dhënë fund këtyre mosmarrëveshjeve para anëtarësimit të vendeve të Ballkanit në BE. Parlamenti Europian ka luajtur një rol të rëndësishëm për zgjedhjen e krizave politike në këto vende". Gjatë diskutimit nuk mungoi edhe skepticizmi i europianëve për zgjerimet e ardhshme të Bashkimit Eu-

ropian. "Hyrja e vendeve të Ballkanit në BE do të varet nga situata në secilin vend dhe kushtet duhet të përmbushen të gjitha. Shteti ligjor, lufta kundër korrupsionit dhe pavarësia e mediave janë në qendër të vëmendjes", tha eurodeputeti David Mc Allister. Kurse eurodeputeti Viktor Bostinaru u shpreh:

"Strategjia është hapi i duhur në drejtimin e duhur. Ne duhet të bëjmë më shumë se vetëm fjalë dhe ajo që nevojitet është që kjo të reflektohet në perspektivat financiare të Bashkimit Europian. Duhen më shumë iniciativa dhe më shumë investime në Ballkan". Eurodeputeti tjetër, Carles Tannock

tha se, "2025- ta është një perspektivë e mirëpritur, por nuk mund të injorojmë skepticizmin e qytetarëve në disa shtete anëtare për zgjerimin e ardhshëm të BE- së, kryesisht për çështjet e korrupsionit dhe krimit të organizuar. Madje, mund të kemi edhe një referendum në Francë për këtë".