KLSH: Institucionet publike, 825 milionë euro dëm buxhetit

Raporti i Kontrollit të Lartë të Shtetit zbardh abuzimet për periudhën 2014- 2016 Keqpërdorimi i fondeve, kryeson qiradhënia shtetërore

Rreth 825 milionë euro janë "zhdukur" nga buxheti i shtetit në tre vjet, për periudhën 20142016. Dëmi është shkaktuar nga institucionet publike, të cilat ose kanë abuzuar me fondet ose nuk kanë arkëtuar të ardhurat. Dëmi është ndarë dy grupe, në parregullsi dhe shkelje financiare në të ardhurat dhe në shpenzimet e kryera, të cilat përbëjnë një dëm prej totale prej 11.5 miliardë lekë ose 85.8 milionë euro. Të dhënat janë bërë të ditura nga Kontrolli i Lartë i Shtetit në raportin përfundimtar për vitit 2017 ku jepen edhe detajet për fushat ku janë kryer më shumë shkelje. Këto shkelje financiare përgjithësisht i përkasin veprimtarisë ekonomiko- financiare për periudhën kohore 2014- 2016, përcaktuar për çdo subjekt të audituar në programet e auditimit.

DËMI

Kontrolli i Lartë i Shtetit shkelja e disiplinës financiare me ndikim negativ në performancën e subjekteve të audituara, në shumën totale prej 99.05 miliard lekë, afërsisht 739.7 milionë euro nga e cila: 92.7 miliardë lekë në fushën e të ardhurave, afërsisht 692.1 milionë euro dhe 6.3 miliardë lekë afërsisht 47.8 milionë euro, në fushën e shpenzimeve jo me eficiencë dhe efektivitet të fondeve. Në total janë konstatuar shkelje në shumën 110.5 miliardë lekë ose afërsisht 825,6 milionë euro. Kontrolli i Lartë i Shtetit ka bërë një vlerësim lidhur me detyrimet tatimore dhe doganore. "Për vitin 2016 rritja e detyrimeve ndaj tatimeve dhe doganave ( borxhi tatimor dhe doganor) si dhe skemës së sigurimeve shoqërore është në vlerën 51.17 miliardë ose 41% më e lartë se viti 2015" vlerëson KLSH. Rekordin për dëmet më të larta sipas fushës e mban pjesa e shitjes dhe dhënies me qira të pasurisë shtetërore që rezulton me një vlerë 4.1 miliardë lekë. Më pas në vendin e dytë është pjesa e riblerjes së pasurisë shtetërore me 2.89 miliardë lekë. Doganat janë të renditura si të tretat me një vlerë dëmi të konstatuar prej 1.9 miliardë lekë kurse prokurimet në vendin e katërt me 1.58 miliardë lekë. Grupi i tatimtaksave rezulton me një dëm prej 370 milionë lekë për t'u pasuar nga shpenzimet operative me 251 milionë lekë. Në fund dëmi më i vogël është konstatuar në fushën e pagave shpërblimeve dhe sigurimeve shoqërore me 91 milionë lekë dhe në fund urbanistika me 8.8 milionë lekë. Pjesa e mbetur e sektorëve të audituar, por që nuk klasifikohet në asnjë nga fushat e mësipërme është grupuar nën emërtimin "Të tjera" me një vlerë 503 milionë lekë.