Pakti detar, Nishani: Hetim të plotë, akti më i madh i tradhtisë
Marrëveshja për detin, ish- presidenti: Konflikt i ri, me pasoja rajonale Berisha: Rama tradhtoi atdheun, shiti detin
Ish- presidenti Bujar Nis hani duke iu referuar mediave greke shprehet se marrëveshja e detit mes Shqipërisë dhe Greqisë është arritur dhe territoret zyrtare shqiptare i kanë kaluar shtetit helen. Nishani paralajmëron se nëse kjo është e vërtetë, atëherë do nisë një konflikt i ri mes dy vendeve, me pasoja rajonale. Ai i bën thirrje kryeprokurores Marku të ndërhyjë. Sipas Nishanit, nëse lajmi i medieve greke është i vërtetë, që qeveria shqiptare i ka dorëzuar Greqisë zonat më të rëndësishme ekonomike, atëherë kjo është tradhtia më e madhe që prej vitit 1912. "Së pari, nuk ka të deklaruar nëse qeveria shqiptare ka marrë ' Autorizimin e Plotfuqishmërisë' nga Presidenti i Republikës? Deklaroj se deri më 24 korrik 2017 në Institucionin e Presidentit të Republikës nuk është paraqitur asnjë kërkesë nga qeveria për ' Plotfuqishmërinë', ndonëse tashmë shihet qartë se negociatat dhe bisedimet janë zhvilluar edhe përpara kësaj date. Nëse pas kësaj date ka një kërkesë dhe nëse kjo ' Plotfuqishmëri' është dhënë apo jo, kjo mbetet për t'u mësuar. Por, që pas vendimit nr. 15, datë 15.04.2010 të Gjykatës Kushtetuese, marrja e ' Plotfuqishmërisë' për negocimin e marrëveshjes së detit është detyrim ligjor. Moszbatimi i këtij vendimi të gjykatës përbën vepër të rëndë penale. Citoj vendimin e Gjykatës Kushtetuese: ' 26. Gjykata vlerëson se pretendimi i kërkuesit për mungesën e ' Plotfuqisë' së lëshuar nga Presidenti i Republikës për grupin negociator shqiptar gjatë bisedimeve dhe lidhjes së marrëveshjes për delimitimin e zonave detare midis Shqipërisë dhe Greqisë është i bazuar dhe duhet pranuar". Pra, Gjykata thotë: ' Gjatë bisedimeve dhe lidhjes së marrëveshjes'", shprehet z. Nishani. Ai kërkon: "Si ishPresident i Republikës, i kërkoj Prokurorit të Përgjithshëm që të nisë verifikimin ligjor kur kanë nisur negociatat dhe bisedimet, theksoj, ' negociatat dhe bisedimet' për marrëveshjen e detit dhe nëse gjatë këtyre bisedimeve është marrë ' Plotfuqishmëria' sipas detyrimit të vendimit të Gjykatës Kushtetuese. Në këtë rast Prokurori i Përgjithshëm dhe Prokuroria shqiptare janë përpara një përgjegjësie të madhe ligjore kushtetuese mbi sovranitetin e shtetit". Kurse ish- kryeministri Berisha e quajti kryeministrin aktual Edi Rama si tradhtar të kombit. Berisha publikoi dje në profilin e tij në "Facebook" disa shkrime të mediave greke, të cilat flasin për marrëveshjen
mes Shqipërisë dhe Greqisë, ku sipas tyre negociatat janë mbyllur. Berisha shkruan se është zbuluar e vërteta dhe Edi Rama është tradhtari kombit, pasi mediat grekë i kanë çjerrë maskën e tradhtisë. "Del e vërteta! Edvin Rama, tradhtar i kombit! Shtypi grek i çjerr maskën e tradhtisë kombëtare Edi Ramës. Rama i
fali Greqisë fushat më të mëdha të naftës dhe gazit në Jon dhe Mesdhe, shkruan ' energypress. gr', duke i falur blloqet 1 dhe 2 Greqisë, kurse Shqipëria merr krundet dhe llogjet! Pas një trillimi grek se marrëveshja e mëparshme ka pasur disa gabime metodologjike, gazeta greke e specializuar fushën e energjisë,
informon pikërisht atë që kemi denoncuar këto javë disa herë, pra faljen nga Rama të fushave më të mëdha të naftës dhe gazit në Jon dhe Mesdhe. Kështu gazeta shkruan se ' Në këmbim, zyrtarët shqiptarë nuk mund të ngrenë pretendime lidhur me hidrokarburet në zonën e ndarjes kontinentale pranë