Tabaku, Ahmetajt: Keni 4 vjet që gënjeni shqiptarët, bizneset po mbyllen

e Komisionit të Ekonomisë, Jorida Tabaku, i është përgjigjur ministrit të Financave, Arben Ahmetaj, i cili deklaroi se ka më shumë biznese të hapura. Tabaku shkruan në ' FB' se Ahmetaj gënjen si në media, ashtu dhe në komision, pasi e vërteta është ndryshe. "A po mbyllen bizneset në Shqipëri? Ministri Ahmetaj sot iu përgjigj kryetarit të opozitës për shifrën e bizneseve që nuk paguajnë më taksa, pra janë të mbyllura, duke këmbëngulur që sot ka më shumë biznese të hapura se një vit më parë. Ironikisht, ministri mbështetej jo tek Drejtoria e Tatimeve prej nga ku buron shifra e 1747 bizneseve të mbyllura, por nxjerr një shifër nga Qendra Kombëtare e Regjistrimit. Arsyeja e shmangies është e thjeshtë, sipas ligjeve dhe rregullave në fuqi, një biznesi për t'u çregjistruar përfundimisht i duhet më shumë se një vit punë intensive. Për rrjedhojë, shifra e paraqitur në QKR ka disa ' mangësi' të karakterit procedural, të cilat ministri i përdor për të fshehur të vërtetën. Nuk është e re që bizneset sot paguajnë më shumë taksa pothuajse sa 60% e xhiros, që sot paguajnë fatura më të larta energjie elektrike e që nga prilli bizneset e vogla do të kenë edhe TVSH- në prej 20%, që do të vendosë në kushte mbijetese pjesën më vitale të ekonomisë shqiptare. Nuk është habi që ministri Ahmetaj të gënjejë si në media, ashtu edhe në komisione. U bënë mbi katër vite që shqiptarëve u ofrohen shifra të rreme mbi rritjen ekonomike, borxhin publik apo vlerën e PPP- ve. Fatkeqësisht, disa njerëz as nuk skuqen dhe as turpërohen kur manipulojnë të vërtetën, por realiteti është ndryshe. Atë e tregojnë bizneset që çdo ditë mbyllen", shprehet zj. Tabaku.