Reforma e ujit, Rama: Bashkëpunimi me bashkitë, pa ngjyrime politike
Kryeministri, drekë me fermerët e qarkut të Kukësit, prezantohet skema e financimit "Deri në 2019 të gjitha rrethet do të plotësohen me mjekë"
Qeveria synon përm bushjen e reformës së ujit, ndaj kryeministri Rama zbriti dje vetë në terren për të monitoruar situatën për investimet në këtë sektor si edhe luftën ndaj informalitetit ndaj vjedhësve të ujit. Rama ishte dje në Kukës, ku u njoh nga afër me një investim në rrjetin e ujësjellësit, kjo falë edhe bashkëpunimit me kreun e bashkisë së këtij qyteti. "Investimet në rrjetin e ujësjellësit po sjellin ndryshime të ndjeshme falë edhe bashkëpunimit pozitiv me bashkinë përtej çdo ngjyrimi politik, edhe pse ka ende shumë akoma për të bërë", shprehet kryeministri. Aksioni për prerjet e paligjshme të ujit është shtrirë në të gjithë vendin.
FINANCIMI
Në një drekë me fermerë të Kukësit, kryeministri Rama i shoqëruar dje nga ministri i Bujqësisë dhe Zhvillimit Rural, Niko Peleshi dhe nga kryetari i Bashkisë Kukës, Bashkim Shehu prezantuan nismat e reja të qeverisë në lidhje me skemat mbështetëse në bujqësi dhe blegtori. Mbështetja për këtë zonë është parashikuar për thertoret e reja, pikat e grumbullimit të qumështit dhe për investimet në agroturizëm. Kryeministri Rama ritheksoi nevojën për bashkim të fermerëve, pasi sipas tij, nëse secili rri në ngastrën e tij, të gjithë humbasin dhe mundësitë e shtetit për të mbështetur nuk maksimizohen, por minimizohen. Gjithashtu, ai theksoi se nuk do mbështetet financiarisht çdo kulturë e mundshme, por vetëm ato të cilat janë të studiuara si kultura me potencial të madh eksporti. Kryeministri nuk la pa përmendur edhe thertoret, ku ftoi bashkitë që të bëhen bashkaksionere në ndërtimin e tyre në përputhje me standardet më të larta. "Është shumë e rëndësishme pjesa që ka të bëjë me thertoret dhe këtu bashkitë kanë rolin e tyre, sepse nuk duhet të presim që të bashkohen patjetër disa fermerë, por bashkia mund të jetë aksionere në këtë pjesë", - tha kryeministrit. Të njëjtën gjë konfirmoi dhe kryetari i Bashkisë së Kukësit, i cili gjithashtu e vlerësoi këtë si qark me kapacitete të mëdha. "Kukësi ka kapacitete, por ata që duan të bëjnë një punë, duhet të organizohen. Edhe gjatë operacionit të fundit që kishim në lidhje me thertoret e pamë
këtë. Nëse në bashkitë e tjera ka shumë konkurrencë se kush e merr lejen për ta bërë thertoren, këtu është e lirë, madje hajdeni e t'ju mbështesim", - u shpreh kryetari i bashkisë, Shehu. Ai përgëzoi edhe nismën e qeverisë
për reformën e ujit, duke u shprehur se edhe ujitja në fshat duhet të ketë sahat dhe për këtë ka gati një projekt të ngjashëm me fshatra në Kosovë dhe në Turqi, të cilët aplikojnë të njëjtin metodë për ujitjen e Kryeministri Edi Rama u uroi dje ditë të mbarë ndjekësve të tij në "Facebook" me një pamje nga punimet në gjirin e Jalës, për të cilin thotë se po transformohet cilësisht në për sezonin turistik. Ndonëse ende e papërfunduar, në pamje duken palma të mbjella dhe një shëtitore e shtruar pranë detit.
Sistemi i patronazhimit të spitaleve rajonale dhe programi për bonusin e mjekëve i kanë shtrirë efektet edhe në spitalin rajonal të Kukësit. Banorët e këtij qyteti dhe jo vetëm, nuk kanë më nevojë të udhëtojnë deri në Tiranë për një shërbim më të specializuar mjekësor, pasi prej një muaji Spitali Rajonal i Kukësit patronazhohet nga Spitali Universitar "Shefqet Ndroqi". Patronazhimi bëhet me sistem rotacioni çdo javë për shërbimet Neurologji, Endokrinologji dhe Reumatologji. Kryeministri Edi Rama së bashku me ministren e Shëndetësisë, Ogerta Manastirliu, kanë vizituar spitalin e qytetit verior për të parë nga afër funksionimin e patronazhimit, i cili pritet të vijojë për afro një vit, kur do të përfundojnë dhe 300 specializantët e parë, të cilët do plotësojnë vakumet në të gjithë sistemin. "Ne e thamë që në fillim, se për të gjitha rastet kur mjekë specialistë të nivelit tuaj do pranojnë të shkojnë në spitale të tjera ku s'ka mjekë specialistë, do japim një bonus, plus rrogës, që të marrin aq sa marrin kur shkojnë ditën e parë në Gjermani e Itali, po qe se kanë fatin të gjejnë punë. Kështu që kjo po funksionon. Ndërkohë, edhe patronazhimi po funksionon, sepse po ulet jashtëzakonisht fluksi i njerëzve që duhet të vijnë në Tiranë, sepse do i marrin shërbimet tani nëpër spitalet rajonale. Në janar të 2019- ës më në fund do dalin mjekët specializantë që plotësojnë të gjitha nevojat në të gjithë territorin. Pastaj do të jetë një fazë tjetër e rëndësishme e transformimit të shërbimit shëndetësor", u shpreh z. Rama.