Pakti detar, Presidenca: Nuk na kanë kërkuar plotfuqishmëri për negociatat
Oerd Bylykbashi: Rama u shiti territorin grekëve
Pas
deklaratës se ishpresidenti Bujar Nishani se "deri më 24 korrik 2017 në Institucionin e Presidentit të Republikës nuk është paraqitur asnjë kërkesë nga qeveria për "Plotfuqishmërinë" lidhur me negociatorët për marrëveshjen e detit", ka reaguar edhe pasardhësi i tij Ilir Meta. Burime nga Presidenca konfirmuan për mediat se deri tani nuk është kërkuar asnjë plotfuqishmëri për negociatat e marrëveshjes së detit me Greqinë. Ish- Presidenti Nishani, duke iu referuar mediave greke tha një ditë më parë se marrëveshja e detit mes Shqipërisë dhe Greqisë është arritur dhe territoret zyrtare shqiptare i kanë kaluar shtetit helen. Sipas Nishanit nëse kjo është e vërtetë, atëherë do nisë një konflikt i ri mes dy vendeve me pasoja rajonale. Ai bëri thirrje Arta Markut të ndërhyjë. Nga ana tjetër, deputeti i PD- së, Oerd Bylykbashi akuzoi dje, kryeministrin Edi Rama se po bllokon Gjykatën Kushtetuese për të kryer shitjen e detit, Greqisë. "Rama i ka shitur ter- ritorin e Shqipërisë? grekëve! Tregtari i kufijve ka bërë marrëveshje në fshehtësi dhe në shkelje të Kushtetutës. Askush nuk di çfarë interesi tjetër kombëtar ka tregtuar për pushtetin e tij",- u shpreh Bylykbashi. Sipas tij, "Gjykata Kushtetuese është në kolaps. Nuk merr dot vendime. Nga 9 anëtarë, vetëm 5 janë sot në detyrë me mandat të plotë. Rama po bllokon zëvendësimin e vendeve bosh. ? A mos vallë Rama e bllokon Gjykatën Kushtetuese që në këtë Rrëmujë të Drejtësisë të bëjë fakt të kryer shitjen e detit dhe Gjykata të mos e anulojë marrëveshjen??",- shkroi dje, Bylykbashi, në një koment në rrjetin social, "FB". "Sa herë Rama bën ndonjë zullum e quan reformë. Shihni kur ta quajë këtë reforma e detit. Kësaj radhe ata që do duartrokasin do të jenë në Athinë",-