Vokshi pyet Vlahutin: Pse heshtët për Tahirin? Ambasadorja: Po monitorojmë

Demokratike përmes deputetes Albana Vokshi i kërkoi "llogari" delegacionit të BE- së për heshtjen lidhur me çështjen Tahiri. "Ndërsa prokuroria për krime të rënda kërkoi heqjen e imunitetit për ishministrin e Brendshëm Saimir Tahiri, kryeministri Rama, Ministri Xhafaj, kryetari i Komisionit të Ligjeve, Manja, të gjithë në PS sulmuan prokurorët duke deklaruar përveç të tjerash se ata duhet të pushohen nga puna. Prokurorët reaguan se janë kërcënuar personalisht, por edhe me procesin e vetingut. Delegacioni i BE mbeti i heshtur. A mendoni ju që, nëse do të ishte folur hapur për këtë çështje në favor të luftës kundër krimit, korrupsionit, pandëshkueshmërisë, delegacioni i BE do të kishte rifituar disi edhe kredibilitetin e hum- bur për shkak të një heshtje të gjatë edhe për një çështje tejet të rëndësishme dhe kritike për Shqipërinë siç është ajo e narkotikëve",- tha dje, në tryezë deputetja Vokshi. Ndërsa ambasadorja Vlahutin u përgjigj: "Heqja e imunitetit është një përgjegjësi sovrane e parlamentit të Shqipërisë. Dhe ajo çfarë ne presim është që institucionet gjyqësore të funksionojnë mirë. Ne presim me padurim që çështja nga ana e prokurorisë të përfun- dojë dhe çështja çohet në gjykatë. Ne po monitorojmë shumë afër gjithë procesin dhe presim me padurim rezultatet. Rezultatet të bëhen publike sa më shpejt". Sa i përket kanabisit, Vlahutin iu përgjigj opozitës: "Ne varemi shumë në informacionin e shumtë që kolegët tanë italianë nga Guardia di Finanza na japin. Nëse ju kujtohet ka një mision në disa vite, BE po kontribuon dhe financiarisht për këtë mision. Kultivimi i kanabisit në Shqipëri është një problem i hershëm. Aksioni në Lazarat, atje prodhoheshin 900 tonë në vit, ky problem është luftuar". "Në 2017 ka pasur një ulje dramatike, jemi të kujdesshëm dhe po presim të shikojë si do të jetë 2018. Për ne është shumë e rëndësishme, nisur nga eksperienca e Lazaratit, të kemi qëndrueshmëri të madhe në këtë luftë",- tha Vlahutin.