PD, kërkesë Kuvendit: Komisioni hetimor për drogën dhe "Tahirin"
12 milje det Greqisë? Kreu i PD: Nëse rezulton e vërtetë, askush nuk do t'i shpëtojë përgjegjësisë "Banda e pushtetit u përpoq ta kontrollonte FSHF"
PD- ja iu drejtua dje Ku vendit me një kërkesë për hetimin e ish- ministrit të Brendshëm, Saimir Tahiri, si dhe për drogën. Lajmi është bërë i ditur nga kreu i PD, Lulzim Basha, i cili tha në fund të mbledhjes së grupit parlamentar se kjo kërkesë ka marrë mbështetjen edhe të partive të tjera opozitare parlamentare. Sipas tij, komisioni që do të ngrihet do të hetojë edhe ekzekutivin, duke shtuar se ky i fundit ka pasur dijeni për përfshirjen e kupolës së shtetit dhe policisë. "Grupi i PD do të depozitojmë sot ( dje) në Kuvend kërkesën për ngritjen e një komisioni hetimor për ish- ministrin Tahiri dhe drogën. Kërkesa ka marrë mbështetjen edhe të partive të tjera opozitare. Ministria e Brendshme, Rama e të gjitha hallkat e tjera kishin në dispozicion informacionin se droga bëhej nga përfshirja e kupolës së shtetit dhe policisë. Rama, Tahiri e Çako e kanë pasur mbi tavolinë këtë informacion nga SHISH, denoncimet e opozitës, nga media, nga shërbimet e huaja inteligjente se Shqipëria ishte mbytur në drogë. Por, Rama i ka varrosur këto fakte në Ministrinë e Brendshme dhe në kasafortën e Kryeministrisë, sepse droga është bërë me mbrojtjen e tyre dhe nën bekimin e tyre. Për këtë Rama ka shkelur rregulloren e parlamentit, duke e kthyer atë në gjykatë për të mbrojtur Tahirin. Ndërhyrja e ekzekutivit do të jetë pjesë e këtij hetimi parlamentar", deklaroi z. Basha. Mësohet se komisioni hetimor "Tahiri" do të ketë si objekt disa çështje, por më kryesoret, sipas PD, janë "verifikimi i ligjshmërisë dhe efekteve të vendimit të Kuvendit për të mos lejuar arrestimin e Tahirit. Veprimet e kryeministrit dhe anëtarëve të tjerë të qeverisë në pengimin apo intimidimin e prokurorisë për të hetuar Tahirin në mënyrë të pavarur. Ligjshmëria e ekstradimit të Nezar Seitit si person nën hetim për të njëjtën çështje si ' Tahiri' dhe efektet që sjell ekstradimi i tij për ish- ministrin e Brendshëm" thuhet në njoftimin e PD për mediat. Saimir Tahiri është i akuzuar nga prokuroria në dosjen "Habilaj", ndërsa ekstradimi i Nazer Seitit drejt Italisë ka sjellë reagimin e ashpër të PD.
"PAKTI DETAR"
Kreu i PD- së foli dje për debatin e hapur prej kohësh lidhur marrëveshjet me Greqinë, ku pala greke thekson se Shqipëria i ka lejuar shtr-
irjen me 12 milje në det. Pas mbledhjes së grupit parlamentar të PD- së, Basha paralajmëroi se nëse pretendimet e grekëve rezultojnë të vërteta, askush nuk do t'i shpëtojë përgjegjësisë. "Nëse rezultojnë të vërteta pretendimet e grekëve, askush nuk do t'i shpëtojë përgjegjësisë. Do t'i shkojmë deri në fund hetimit", tha Basha. Kreu i PD komentoi edhe zgjedhjen në Federatën Shqiptare të Futbollit ku u shpreh se "banda" e pushtetit u përpoq ta vinte në kontroll. Ndër të tjera, Basha deklaroi: "Kemi
diskutuar në grupin parlamentar dy çështje të rëndësishme të aktualitetit dhe që kanë të bëjnë me bandën e pushtetit. Pasi u përpoqën dhe dështuan të vënë nën kontroll Federatën e Futbollit, tani u janë sulur artistëve. Edi Rama ka 20 vjet që tenton të ndërtojë kullë te Teatri Kombëtar. Po vihen në ndërtim skema kriminale, siç ishte kulla në stadium", u shpreh Basha. z. Basha foli edhe për përzgjedhjen e deputetit të ri në qarkun e Beratit, pas dorëheqjes së Eduard Halimit. "Astrit Veliaj është i
numri 2 në listën Beratit, por për shkak të kuotave gjinore, KQZ vendos se kush do të marrë mandatin. Këto janë çështje të KQZ- së dhe të vullnetit të personave përkatës", tha z. Basha. Po a ngjan ky rast me Arben Ndokën? "Në asnjë gjë nuk ngjan me të. Aq sa ngjan TV juaj me një motoskaf droge, sepse Ndoka është një person i dënuar për prostitucion. Ndërsa në këtë rast nuk kemi asnjë pretendim për kriminalitet në asnjë nga kandidatët, kushdo qoftë deputeti i ardhshëm", deklaroi z. Basha.