Marrëveshja, Shqipëria firmos me misionin Frontex të BE për kufijtë
Komisioneri për Migracionin, Avramopulos: Mbështesim vetingun Xhafaj: Nuk do jemi më në hartën e vendeve që kultivojnë kanabis
Shqipëria do të ndihmo het nga Agjencia Evro piane e Rojeve Kufitare dhe Bregdetare për menaxhimin e kufijve. Kjo do të bëhet e mundur sapo të hyjë në fuqi, marrëveshja e firmosur dje, mes Komisionerit për Migracionin, Çështjet e Brendshme dhe Shtetësinë Dimitris Avramopoulos dhe ministrit të brendshëm Fatmir Xhafaj. Marrëveshja do t'i mundësojë Agjencisë të sigurojë asistencë në fushën e menaxhimit të kufirit të jashtëm, si dhe do t'u mundësojë ekipeve të Agjencisë Evropiane të Rojeve Kufitare dhe Bregdetare të vendosen me shpejtësi në territorin shqiptar në rast të ndonjë ndryshimi të papritur të flukseve migratore. Gjatë një konference të përbashkët me ministrin Xhafaj, Komisioneri Avramopulos tha: "Shqipëria është një pararendëse në rajon dhe marrëveshja do të shërbejë si model për marrëveshje të ngjashme që po negociojmë me partnerë të tjerë në Ballkanin Perëndimor. Bashkëpunimi më i ngushtë midis Shqipërisë dhe Agjencisë Evropiane të Rojeve Kufitare dhe Bregdetare do të na lejojë të jemi më të shpejtë dhe më fleksibël në mënyrën se si i përgjigjemi çdo sfide të mundshme migratore. Ky është një hap i rëndësishëm përpara dhe është në interesat më të mira si të Shqipërisë, ashtu dhe të Bashkimit Evropian". "Shqipëria është pjesë e familjes europiane historikisht, gjeografikisht dhe në kontekstin e paqëndrueshmërive gjeopolitike me të cilat po ndeshemi, ne ndajmë të njëjtat sfida me Shqipërinë. Veçanërisht në luftën ndaj migracionit të parregullt, mirëmenaxhimin e kufijve tanë dhe në luftën efikase ndaj krimit të organizuar dhe terrorizmit. Ne ndajmë një histori të përbashkët dhe e ardhmja jonë e përbashkët do të jetë europiane gjithashtu", deklaroi Avramopuluos.
"Dëshiroj, gjithashtu, të përgëzojë Shqipërinë për përpjekjet që ka bërë në lidhje me menaxhimin e flukseve të emigracionit të parregullt dhe ta inkurajojë Shqipërinë të bëjë edhe më shumë. Ne duhet që të ulim numrin e personave që abuzojnë me liberalizimin e vizave. Të gjithë ne duam ta sigurojmë dhe ta ruajmë liberalizimin e vizave", deklaroi ai. Nga ana e tij, ministri i Brendshëm Xhafaj tha: "Kjo është një marrëveshje e rëndësishme që do të na ndihmojë të marrim asistencë të kualifikuar në lidhje me menaxhimin e kufijve. Ajo do t'i mundësojë, gjithashtu, Shqipërisë të përfitojë nga projektet që do të japë Bashkimi Evropian gjatë implementimit të kësaj marrëveshjeje. Kjo është një mundësi e mirë për ne për zgjerimin e bashkëpunimit ndërkufitar dhe bashkëpunimit me vendet e BEsë". "Rikonfirmova vendosmërinë tonë se po bëjmë Komisioni po negocion aktualisht marrëveshje të ngjashme me Serbinë dhe ishRepublikën Jugosllave të Maqedonisë dhe shpreson për një përfundim të shpejtë të të dyja negociatave. Tani marrëveshja me Shqipërinë duhet të miratohet nga shtetet anëtare dhe do të nënshkruhet zyrtarisht në një datë të mëvonshme, pasi të dyja palët të përfundojnë procedurat e nevojshme ligjore.
gjithçka është e mundur për të garantuar përfundimisht që Shqipëria nuk do të jetë më në hartën e vendeve që kultivojnë kanabis, për të treguar vendosmëri dhe rezultate konkrete në luftën kundër krimit të organi- zuar përmes operacionit "Forca e ligjit", rezultatet e para të të cilit janë inkurajuese; për të rritur më tej performancën e Policisë së Shtetit, për ta sjellë atë në standardet më të mira europiane duke e informuar në këtë kuadër edhe për procesin e vetingut që sapo kemi nisur",- tha Xhafaj. Projektmarrëveshja e djeshme është negociata e parë që do të përfundohet mes Agjencisë Evropiane të Rojeve Kufitare dhe Bregdetare dhe partnerëve të BE- së në Ballkanin Perëndimor. Forcimi i bashkëpunimit operativ mes vendeve të treta prioritare dhe Agjencisë Evropiane të Rojeve Kufitare dhe Bregdetare do të kontribuojë në menaxhimin më të mirë të migracionit të parregullt, do të rrisë më tej sigurinë në kufijtë e jashtëm të BE- së, si dhe do të forcojë aftësinë e Agjencisë për të vepruar në vendet e afërta me BE- në.