Ndryshon ligji për dëmshpërblimet e ish- të përndjekurve
Ministri i Ahmetaj interpelancë me ish- të përndjekurit që kanë punuar në minierë S'ka nevojë për vërtetim, 1 vit burg do t'iu njihet si dy vite punë
Ministria e Finan cave do të ndry shojë ligjin për dëmshpërblimin e ish- të përndjekurve politik. Kjo iniciativë nuk është nismë e dikasterit të financave, por siç tha dje ministri i Financave dhe Ekonomisë Arben Ahmetaj është një direktivë e kreut të qeverisë. Ministri Arben Ahmetaj zhvilloi dje një interpelancë me një grup ish- të përndjekurish ku bëri të ditur se të gjithë ish- të përndjekurit politikë, që në kohën e burgimit kanë punuar në minierë do të trajtohen me ligjin e minatorit. Ministri i Financave dhe Ekonomisë Arben Ahmetaj gjatë një interpelance me ish- të përndjekur në Platformën e Bashkëqeverisjes me Njerëzit, deklaroi se deklaroi se ligji do të thjeshtohet. Kështu ish- të përndjekurit nuk kanë nevojë të kenë vërtetim që kanë qenë në burg, por automatikisht nga ISSH do ju njihen një vit burg baras me dy vite punë. "Pasi ka ardhur ankesa juaj, ne kemi pasur një takim të detajuar me kryeministrin. Arsyeja e vonesës është se, sipas ligjit 7514 "Për trajtimin e minatorit", ju kërkon ju që të merrni një dokumentacion në një komisioni të ngritur nga Ministria e Drejtësisë dhe e Brendshme. Kryeministri e konsideron si një procedurë të lodhshme për ju. Kështu kryeministri më kërkoi mua të bëj disa ndryshime në ligj, i cili do kalojë pas një muaji në parlament. Pra, me këtë thjeshtim të ligjit ju nuk keni nevojë për dokumentin e vërtetimit, në mënyrë automatike një vit burg do t'iu llogaritet si dy vite punë. Ju jeni 264 persona që përfitoni nga ky ndryshim ligji, i cili do thjeshtohet". Një tjetër problematikë e ngritur nga ish- të përndjekurit, ishe dhe vonesa e pagesës për dosjet, si dhe dëmshpërblimi nga ligji i terrorit në burgje, për të cilat ministri premtoi se do marrin zgjidhje.
PAGESAT
Ministria e Financave ka shlyer deri tani pagesën për ish- të dënuarit politikë që janë gjall, të të cilat kanë marrë këstin e tetë. Ndërkohë që ritmet e pagesave për trashëgimtarët kanë qenë tejet të ngadalta. Aktualisht, Ministria e Financës po vijon me procesimin e këstit të parë dhe të dytë. Në faqen zyrtare të këtij institucioni janë publikuar publikohen herë pas here listat e trashëgimtarë që janë përfitues, të cilët nuk kanë dorëzuar dokumentacionin. Mbi bazën e ligjit në fuqi, trashëgimtarët duhet të depozitojnë kopje të letërnjoftimit, numër llogarie, certifikatë vdekjeje, certifikatë e trungut familjar, dëshmi trashëgimie dhe prokurë.