Basha nga Budapesti: Shqipëria, peng i krimit dhe korrupsionit
Kreu i PD- së takon Orban: Qeveria prej 5 vitesh në vendnumëro "Rama dhe qeveritarët mendojnë pasurimin vetjak"
Nga samiti i udhëheqësve botërorë të partive të qendrës së djathtë në Budapest, Lulzim Basha kritikoi qeverinë dhe kreun e saj Edi Rama për lidhje të forta me krimin dhe korrupsionin. Sipas Bashës, kryeministri me qeveritarët e tij mendojnë vetëm për pasurimin vetjak dhe jo për shqiptarët. Krahas vlerësimit të opozitës për Strategjinë e Ballkanit Perëndimor, kreu i demokratëve u shpreh se e ardhmja europiane e Shqipërisë po mbahet peng i krimit dhe korrupsionit. Por z. Basha akuzoi qeverinë dhe kryeministrin Rama për gjendjen aktuale në vend. Gjatë fjalës së tij në samitin e udhëheqësve botërorë të partive të qendrës së djathtë, Basha tha se, anëtarësimi në Europë është për shqiptarët një aspiratë kombëtare, të cilës Partia Demokratike i ka shërbyer dhe e ka çuar përpara sa herë ka qeverisur vendin. Lulzim Basha vuri në dukje se ishte Partia Demokratike që firmosi me Bashkimin Europian, Marrëveshjen e Stabilizim Asociimit, anëtarësoi vendin në NATO, mundësoi heqjen e vizave me BE- në, plotësoi kushtet që vareshin prej saj për statusin e vendit kandidat dhe mori dy herë nga Komisioni rekomandim pozitiv. Kreu i opozitës u shpreh se prej 5 vjetësh Shqipëria nuk ka bërë asnjë hap përpara dhe se mbetja në vendnumëro ka si shkak qeveritarët, qe kanë vënë interesin dhe pasurimin vetjak, mbi aspiratën europiane të shqiptarëve, duke tradhtuar popullin e vet. "Korrupsioni dhe kapja e shtetit nga interesat private, futja e grupeve kriminale në gjithë nivelet e qeverisjes, zgjedhjet e manipuluara, ekonomia e dobët që iu shërben vetëm disave janë ato që i mbajnë vendet tona larg të ardhmes Europiane."- u shpreh Basha në samitin e Udhëheqësve Botë-
rorë të Partive të Qendrës së Djathtë. Kryetari Basha pati një takim të veçantë me mikpritësin e samitit, kryeministrin Viktor Orban. Kreu i
opozitës e siguroi zotin Orban se Partia Demokratike po punon për alternativën e projektit europian të vendit dhe se Partia Demokratike "Korrupsioni dhe kapja e shtetit nga interesat private, futja e grupeve kriminale në gjithë nivelet e qeverisjes, zgjedhjet e manipuluara, ekonomia e dobët që iu shërben vetëm disave janë ato që i mbajnë vendet tona larg të ardhmes Europiane",- tha z. Basha.
është e vendosur ta ndryshojë Shqipërinë duke çliruar politikën, ekonominë dhe shoqërinë nga autokracia dhe monopolet.