10- vjetori i Pavarësisë, Basha: Të gjithë me zemër në Kosovë
Berisha kujton Rugovën e Jasharin
Demokratët
iu bash kuan dje urimeve për 10- vjetorin e Pavarësisë së Kosovës. Kreu i PD Lulzim Basha, shprehet se Kosova ka treguar çdo ditë në këta 10 vjet se pavarësia e saj ishte jo vetëm drejtësi njerëzore dhe historike, por edhe burim për paqen, zhvillimin dhe europianizimin e të gjithë Ballkanit. "Përulemi para veprës së Ibrahim Rugovës, Adem Jasharit e mijëra bijave e bijëve të Kosovës dhe mbarë kombit që luftuan e sakrifikuan për këtë ditë të madhe. Sot kujtojmë me përmallim të gjithë të dashurit tanë që u ndanë nga ne me pengun se nuk e panë dot Kosovën të lirë. Por mbi të gjitha, sot jemi krenarë për Kosovën. Jemi kryelartë para botës dhe kombeve se Kosova ka treguar çdo ditë në këta 10 vjet se pavarësia e saj ishte jo vetëm drejtësi njerëzore dhe historike, por edhe burim për paqen, zhvillimin dhe europianizimin e të gjithë Ballkanit. Jemi plot besim se Kosova ka përpara një të ardhme të ndritur, të përparuar dhe europiane. Sot, ne e dimë se e ardhmja e të gjithë shqiptarëve është e bekuar. Gëzuar Kosovë e shtrenjtë! Gë- zuar shqiptarë kudo në botë!" shkruan Basha. Urim të veçantë bëri dje edhe ishkryeministri Sali Berisha. Berisha shkruan në "FB" se Kosova shpalli Pavarësinë, sepse nuk u mposht kurrë. Ndërsa nuk ka harruar pa kujtuar edhe presidentin e ndjerë Ibrahim Rugovën, siç e quan ai, arkitektin e shtetit të Kosovës, si dhe komandantin e UÇK- së, Adem Jasharin. "Le të përulemi ne me nderimin më të madh dhe mirënjohjen më të thellë para burrave të medhenj të kombit tonë, arkitektit të Pavarësisë së Kosovës, Presidentit Ibrahim Rugova, komandantit legjendar Adem Jashari, para të gjithë atyre që luftuan, flijuan jetën dhe rininë për lirinë dhe pavarësinë e Kosovës", shprehet z. Berisha.