Peleshi: Mbështetje deri në 150 mln lekë për hektar për serrat
Skema kombëtare 2018, qeveria ka miratuar kriteret për bujqësinë dhe blegtorinë Financimi bëhet për sipërfaqe jo më pak se 0.2 ha dhe jo më shumë se 1 ha
Një e treta e skemës ko mbëtare do të shkojë në investimet për serrat bashkëkohore. Ministri i Bujqësisë dhe Zhvillimit Rural Niko Peleshi gjatë një vizite të një serre organike në Durrës deklaroi se nga skema parashikohet deri në 150 milionë lekë për hektar për serrat. Ndërkohë javën e shkuar Këshilli i Ministrave ka miratuar kriteret për subvencionimin e bujqësisë dhe blegtorisë. Masa e subvencionit do të jetë në proporcion të drejtë me vlerën e investimit, sa më i madh të jetë investimi aq më e madhe do të jetë edhe vlera e mbështetjes nga qeveria. Prioritet në subvencion do të kenë fermerët e rinj. Subvencionet do të nisin nga 60 mijë lekë/ ha ullishte të mbjellë deri në 20 milionë lekë për makineritë dhe pajisjet e përpunimit të tij. "Vitin e kaluar, ne e kemi mbyllur pra vitin 2017, me një rritje prej 20 % të eksporteve bujqësore, krahasuar me vitin 2016. Shkaku, arsyet kryesore ishin pikat e grumbullimit dhe shtimi i sipërfaqeve të serrave. Për këtë arsye, pothuajse një e treta e gjithë skemës kombëtare, prej 20 milionë euro të këtij viti, do të shkojë në investimet për serrat. Ne japim grant deri në 50 % të vlerës të investimit, që e kthyer në terma nominalë do të thotë deri në 150 milionë lekë të vjetra për një hektar serrë."tha Peleshi. Sipas skemës së mbështetjes zëri për instalimin e sistemit të ngrohjes me biomasë ( pelet) në serrat me ngrohje, përfiton deri në 280 000 lekë për dynym. Financimi bëhet për sipërfaqe jo më pak se 0.2 ha dhe jo më shumë se 1 ha; ndërsa për zëvendësimin e plastmasit termik për serrat diellore ekzistuese, masa e përfitimit do të jetë, jo më shumë se 750 000 lekë/ ha. Financimi bëhet për sipërfaqe jo më pak se 0.2 ha dhe jo më shumë se 1 ha. "Financimet nga IPARD- i dhe nga skema kombëtare shkojnë deri në 50 % grant, fondi i garancisë i qeverisë shqiptare dhe BERZH- it, pjesën tjetër ta siguron me kredi të buta, pra rekthyeshmëria është më e ulët. Ne kemi garantuar riskun në një pjesë të mirë të investimit, ndaj dhe kreditë dhe tregu bankar do të bëhen gjithmonë e më interesante për investitorin."deklaroi ministri. Për qeverinë shqiptare, skemat e reja të mbështetjes financiare janë një paketë mundësish të reja për fuqizimin e bujqësisë dhe zhvillimit rural.
FERMERËT
Qeveria ka parashikuar në një vendim të miratuar një javë më parë se fermerët që kultivojnë të paktën 5 ha tokë bujqësore, në pronësi private ose me qira, do të subvencionohen në vlerën 25 mijë lekë për grurin dhe elbin, si dhe deri në 20 mijë lekë për thekrën, tërshërën dhe koçkullën. Fondet do të jenë të disponueshme edhe për zhvillimin e teknologjive të kultivimit, në mënyrë që bujqësia shqiptare të ketë mundësi të modernizohet dhe të sjellë inovacione. Sipas vendimit mbarështimi i bletarisë do të mbështetet me një vlerë prej 1 mijë lekësh për koshere për fermat me mbi 100 koshere, për një mbështetje jo më të madhe se 150 mijë lekë. Në vendim thuhet se fondi i miratuar në buxhetin e vitit 2018 për Ministrinë e Bujqësisë dhe Zhvillimit Rural, zëri "Transfertë në buxhetet familjare", për mbështetjen e prodhimit bujqësor e blegtoral, peshkimit, agropërpunimit dhe zhvillimit rural, të përdoret për: a) rritjen e konkurrueshmërisë së produkteve bujqësore, nëpërmjet shtimit të sipërfaqeve të mbjella me kultivarë të kërkuar nga tregu, përmirësimit të teknologjive të kultivimit, certifikimit të produkteve, rritjes e përmirësimit të kapaciteteve të grumbullimit, ruajtjes, pastrimit, seleksionimit, paketimit e përpunimit të tyre; b) përmirësimin e zinxhirit të sigurisë ushqimore të produkteve blegtorale, nëpërmjet pagesave të kafshëve të matrikulluara të lindjeve të reja, pagesave për dorëzimin e qumështit cilësor, investimeve në thertore, në pikat e grumbullimit e të përpunimit të produkteve, makineri dhe pajisje në fermat blegtorale; c) nxitjen e formalizimit dhe kooperimit të prodhuesve nëpërmjet pagesave për furnizimin me input- e dhe pagesave ndaj prodhimit të dorëzuar. Lagja Nr. 14, Shkozet Durrës, këto dokumenta: Kërkesë për aplikim; CV të përshkrimit të karrierës; Fotokopje të diplomës dhe librezës së notave ( e noterizuar); Fotokopje të librezës së punës ( e noterizuar); Fotokopje të çertifikatave kualifikimeve ( nëse ka); Fotokopje të dëshmive të gjuhëve të huaja ( nëse ka); Vërtetimin e gjendjes gjyqësore; Çertifikatë personale. Mosparaqitja e plotë e dokumentave sjell s‘ kualifikim të kandidatit. Kandidatët e interesuar duhet të dërgojnë dokumentacioni pranë Gjykatës së Apelit Durrës
Pas verifikimit paraprak të aplikimeve, vetëm aplikantët që kualifikohen për intervistë do të kontaktohen.
jo më vonë se data 26/ 02/ 2018.;
të