Formula, si bëhet përllogaritja e pensionit të pleqërisë
Si ndryshon mosha e daljes në pension nga viti në vit për burrat dhe gratë Masa, e bazuar në vitet e punës me kontribute dhe pagën
Të gjithë ata persona që kanë plotësuar moshën dhe kenë minimumi 15 vite pune me kontribute mund të përfitojnë pension pleqërie. Përkatësisht burrat duhet të jenë mbi 65 vjeç, ndërsa gratë mbi 60 vjeç e 8 muaj, në mënyrë që të mund të marrin këtë lloj pagese. Sipas reformës së re të vitit 2014- të, masa e përllogaritjes së pensionit varet nga vitet e punës dhe paga, pra pensioni është produkt i viteve të sigurimit dhe pagës mbi të cilin janë paguar kontributet. Sa më shumë vite të ketë aplikanti dhe sa më e lartë të ketë qenë paga e tij, aq më e lartë do të jetë masa e përfitimit. Aktualisht për vitin 2018, mosha e daljes në pension sipas nenit 43, për gratë është 60 vite e 8 muaj ( rritet për çdo vit me 2 muaj deri në vitin 2056 që arrin në 67 vjeç) dhe për burrat 65 vjeç ( mosha fillon rritet që nga viti 2033 me nga 1 muaj në vit për të arritur në 67 vjeç në vitin 2056), ndërsa vjetërsia e plotë kontributeve për të dyja gjinitë është 35 vite e 8 muaj, e cila rritet me 4 muaj në vit, për të arritur me 40 vite në vitin 2029.
PËRLLOGARITJA
Pensioni mujor i pleqërisë përbëhet nga një shumë bazë dhe nga një shtesë ku shuma bazë llogaritet si raport i periudhës së sigurimit që ka realizuar personi me periudhën e sigurimit të kërkuar sipas nenit 92, shumëzuar me pensionin social. Shtesa do të jetë 1% për vit sigurimi shumëzuar me bazën mesatare të vlerësuar që personat e siguruar kanë arritur nëpërmjet kontributeve, e llogaritur sipas nenit 31 të ligjit 104/ 2014 ( i cili ndryshon nenin 59 të ligjit 7703, datë 11.05.1993). Në manualin e Institutit të Sigurimeve Shoqërore bëhet me dije se shuma e përgjithshme e pensionit nuk mund të jetë më e vogël se pensioni social. Ky i fundit është një përfitim që i jepet çdo shtetasi shqiptar, i cili ka mbushur moshën 70 vjeç, është me qëndrim të përhershëm në Shqipëri të paktën për pesë vitet e fundit, nuk plotëson kushtet për asnjë lloj pensioni nga skema e detyrueshme e sigurimeve shoqërore dhe nuk ka të ardhura, ose të ardhu-
rat që përfiton nga çdo burim tjetër janë më të ulëta se të ardhurat që jep pensioni social. Për llogaritjen e pensionit përdoret formula:
PP ( Pensioni i Pleqërisë) = PS ( Pension Social)* ( shumëzuar) me vjetërsi kontributive të realizuara/ vjetërsi kontributive që kërkohet + 1/ 100* ( shumëzuar) me vite sigurimi* ( shumëzuar) me BV ( baza e vlerësuar). Baza e vlerësuar për llogaritjen e pensioneve
NJOFTIM
Të gjithë ata persona që kanë plotësuar moshën dhe kenë minimumi 15 vite pune me kontribute mund të përfitojnë pension pleqërie. Përkatësisht burrat duhet të jenë mbi 65 vjeç, ndërsa gratë mbi 60 vjeç e 8 muaj, në mënyrë që të mund të marrin këtë lloj pagese.