Berisha: Rama e Bushati tradhtarë, shitën naftën e fshinë "Çamërinë"
Pakti me Greqinë, ish- kryeministri akuza të forta ndaj qeverisë "Shqiptarët të ngrihen kundër kësaj klike"
Ish- kryeministri Sali Ber isha akuzoi dje, kryemi nistrin Edi Rama dhe ministrin e Jashtëm Ditmir Bushati për tradhti kombëtare. Përmes një statusi në rrjetin social, "Facebook", Berisha tha se "Kapitullimi i Edvinit dhe Ditziut të tij për "çështjen çame", është akti më poshtërues në historinë tonë". "Ministri i Jashtëm i Greqisë informoi një deputet grek me një letër të botuar në media, se në negociatat me Ramën dhe Ditziun e tij ai jo vetëm ka siguruar fushat e gazit dhe naftës më të mëdha të Jonit dhe Mesdheut për Greqinë, por edhe se me palën shqiptare kanë rënë dakord që të fshihen nga faqja e dheut fjalët "çam" dhe "Çamëri", të zhduken këto fjalë nga tekstet, botimet, nga historia jonë kombëtare, gjeografia, debatet dhe çdo gjë tjetër",- bëri të ditur Berisha. "Kjo kërkesë për palën greke përbën kërkesën më albanofobe, fondamentaliste, të pashembullt në historinë e marrëdhënieve ndërkombëtare dhe unë e kam denoncuar këtë me forcën më të madhe",- u shpreh Berisha. Por, sipas tij, vetë diskutimi dhe pranimi i kësaj kërkese nga Edvini dhe Ditziu i tij është kapitullimi më poshtërues i regjistruar ndonjëherë në historinë tonë. "Me këtë akt të paimagjinueshëm Rama dhe Ditziu i tij kanë tejkaluar edhe masakrat e Zervës dhe barbaritë e Enver Hoxhës ndaj popullatës të martirizuar të Çamërisë dhe dheut shekullor të saj. Edi Rama dhe Ditziu i tij kanë shkelmuar mbi gjakun, vuajtjen, sakrificat mbinjerëzore të çamëve, kontributin e tyre të pavdekshëm në historinë tonë kombëtare, por edhe në lirinë e kombit grek, themelimin dhe konsolidimin e Greqisë së lirë dhe të pavarur", vijoi me deklaratën e tij, Berisha. "Duke dënuar me ashpërsinë më të madhe këtë akt të një tradhtie të pashembullt në historinë e kombit tonë, këtë pabesi dhe thikë të tmerrshme mbas shpine ndaj çamëve dhe Çamërisë së martirizuar, u bëj thirrje shqiptarëve të ngrihemi në revolta kundër kësaj klike neobllokmenësh, që për karrigen e vet janë gati të shesin në treg jo vetëm çamët dhe Çamërinë, por edhe identitetin e kombit shqiptar". Ish- kryeministri i ka bërë këto akuza "Me këtë akt të paimagjinueshëm Rama dhe Ditziu i tij kanë tejkaluar edhe masakrat e Zervës dhe barbaritë e Enver Hoxhës ndaj popullatës të martirizuar të Çamërisë dhe dheut shekullor të saj. Edi Rama dhe Ditziu i tij kanë shkelmuar mbi gjakun, vuajtjen, sakrificat mbinjerëzore të çamëve, kontributin e tyre të pavdekshëm”.
nisur nga informacionet e marra nga pala greke dhe transmetuar në median greke, e cila këto ditë ka qenë mjaft e ndjeshme për bisedimet mes dy vendeve.