Protesta e çamëve në Tiranë, mediat greke: Barazuan politikanët me nazistët
"Organizatorët kishin lehtësira për të protestuar kundër qeverisë greke"
Shoqata
' Çamëria', Par tia Drejtësi Integrim, por edhe përfaqësues të republikës së vetëshpallur në Maqedoni "Ilirida" kanë protestuar para dy ditësh para ambasadës greke në Tiranë kundër marrëveshjes ShqipëriGreqi në lidhje me emrin "Çamëri". Por ngjarja nuk ka mbetur pa u raportuar edhe në mediat greke. "Shqiptarët po mundohen me çdo mënyrë të vendosin Çamërinë në temën e bisedimeve mes dy ministriave të Jashtëm të dy vendeve. Këtë herë ata u përpoqën të bëjnë diçka ndryshe, u mblodhën jashtë ambasadës greke në Tiranë për të protestuar. Ata madje i kërkuan Greqisë të kërkojë falje për gjenocidin e shkaktuar ndaj çamëve",- shkruan ProtoThema. "Çamët në protestën e zhvilluar në Tiranë, i barazuan politikanët grekë me Joseph Gaibels ( politikan nazist në kohën e Hitlerit)",- shkruan media tjetër greke ANT1. Protesta përballë ambasadës greke e organizuar nga shoqata "Çamëria", dhe Partia Drejtësi Integrim dhe Unitet, ka alarmuar mediat fqinje të cilat i kanë kushtu- ar hapësirën kryesore të edicioneve informative. Tubimi në Tiranë kundër marrëveshjes Shqipëri- Greqi, që sipas protestuesve fshin emrin "Çamëri", është pasqyruar dhe komentuar në "Prototema" , "Tv Antena 1", "Elefterotipia", kathimerini, etj. "Protesta e çamëve u zhvillua para ambasadës greke me parullën kryesore: "Nuk fshihet emri Çamëri, është çështje e të Drejtave të Evropës …" Organizatorët kishin lehtësira nga ana e shtetit për të protestuar kundër qeverisë greke duke e detyruar të kërkojë falje dhe kthimin e pronave të tyre. Ata mbanin një tabelë me fotografi të politikanëve grekë dhe nazistë, duke barazuar edhe ministrin e Jashtëm grek Nikos Kotzias me Goebbels. Të tjerë thërrisnin se çamët janë viktima të gjenocidit, të tjerët thërrisnin sloganin: "Çamëria është Shqipëri" dhe një nga organizatorët e demonstratës bërtiti që "çamët janë si çifutët për Hitlerin: pa shtetësi dhe pa varret e paraardhësve", nënvizon Tv Antena 1 në edicionin qendror të lajmeve.