Ndihma sociale, Rama: Jo, për ata që mund të punojnë. Basha: S'ka punë
Replika mes kryeministrit e kreut të PD- së, për familjet në nevojë Kreu i opozitës: "Të pushojmë nga puna këtë parazit"
Kryeministri Edi Rama dhe kreu i PD- së, Lulzim Basha replikuan dje, sërish në distancë në lidhje me ndihmën sociale për familjarët e pa punë. Kreu i qeverisë ka theksuar se nuk do të ketë ndihmë ekonomike për personat që janë të aftë për punë, teksa paralajmëroi se ata që janë hequr padrejtësisht nga skema e ndihmës ekonomike do të riintegrohen. Mesazhi i kreut të qeverisë erdhi gjatë një vizite në familjen e Samiut në zonën e Urës Vajgurore, e cila më parë përfitonte 25 mijë lekë të vjetra nga skema e ndihmës ekonomike, por pas rivlerësimit të bërë me skemën e re, familja në fjalë merr skemë ekonomike të plotë. Kryeministri Edi Rama tha se falë skemës së re janë larguar nga përfitimi i ndihmës ekonomike familje që kishin në posedim vila disa katëshe apo makina luksoze. "Ja, kjo familje, ( duke treguar foton), me vilë, me pretendimin se shtëpia është e vëllait ka përfituar ndihmë ekonomike. Shtëpia ka edhe panele diellore dhe ky zotëria përfitonte prej tre vitesh ndihmë ekonomike. Ne kemi vlerësuar dhe monitoruar çdo detaj, duke futur disa institucione në këtë proces, si Zyrën e Regjistrimi të Pasurive, zyrën e punësimit… etj", vijoi Rama. "Nga Berati janë përjashtuar 700 familje, ku pjesa më e madhe janë abuzivë. Ka një pjesë minimale, që po verifikohet, pasi ka dhe marzhin e saj të gabimit sistemi kompjuterik i pikëzimit, por këto familje që mund ta kenë pësuar për shkak të sistemit do riintegrohen. Ju keni pas marrë 28 mijë lekë të vjetra, ka dhe nga ata që merrnin 6 mijë lekë të vjetra. Tani ndihma është e plotë, s'ka më ndihmë të pjesshme",- bëri të ditur kryeministri. "Këtu nuk e diskutoj që këto janë pak, por është një frymëmarrje që ju jep mundësi për të kërkuar punë. Pra, ne po nxisim punësimin. Nuk do ketë ndihmë ekonomike për ata persona që kanë mundësi të punojnë. Po, ne do i
motivojmë këta persona të futen në punë. Ka fabrika këtu afër kërkojnë punonjës. Zyra e Punës do jetë ndërmjetësuese",- nënvizoi kryeministri Edi Rama. Ndërsa, nga ana e tij, kreu i PD- së, Lulzim Basha u shpreh dje, duke marrë po një rast nga Berati. "Skamja në familjen Xhema në Be-
rat, e përjashtuar nga ndihma ekonomike, është e vërteta që nxjerr Edi Ramën një mashtrues ordiner, kur thotë se ata nuk duan të punojnë. Kryefamiljari Artan Xhema, baba i 4 fëmijëve, është përjashtuar nga ndihma ekonomike, sepse rezultoi i punësuar dy muaj më parë. E vërteta është se "Nga Berati janë përjashtuar 700 familje, ku pjesa më e madhe janë abuzivë. Ka një pjesë minimale, që po verifikohet, pasi ka dhe marzhin e saj të gabimit sistemi kompjuterik i pikëzimit, por këto familje që mund ta kenë pësuar për shkak të sistemit do riintegrohen”.
Artanit i kanë hequr bukën e fëmijëve, sepse ka punuar! Askush nuk e beson Edi Ramën se 20 mijë familje të përjashtuara nga ndihma zgjedhin 50 mijë lekë ndihmë në vend të punësimit dhe një rroge",- u shpreh dje, në një status në "FB", Basha. "E vërteta është se punë nuk ka, se në krye të qever-
isë është punësuar një parazit që ka ndërtuar skemën më të madhe të mashtrimit dhe vjedhjes së shqiptarëve. Është detyra e të gjithëve ne që ta pushojmë nga puna njeriun që çdo ditë e më shumë po varfëron njerëzit dhe shkatërron jetët e tyre",- theksoi kreu i PD- së.