Gjonaj: Masa disiplinore për ata që abuzojnë në kurriz të qytetarëve
Zv. kryeministrja e ministrja e Drejtësisë inspektojnë Hipotekën e Beratit
Zv.
kryeministrja Senida Mesi dhe ministrja e Drejtësisë, Etilda Gjoni kërkuan nga administrata që shërbimi ndaj qytetarit të jetë prioritet kryesor në çdo institucion. "Rishikimi i titujve të pronësisë për ato zona, të cilat preken nga projekte strategjike, apo të një rëndësie kombëtare duhet të shihen me përparësi të veçantë",- tha në një takim me punonjës të hipotekës në Berat, ministrja Gjonaj. Nga ana tjetër ministrja kërkoi që në kuadër të jetësimit të reformës në drejtësi dhe procesit të vetingut nuk do të tolerohet asnjë vonesë për informacionin e kërkuara nga organet e vetingut apo rivlerësimit kalimtar, kombëtar apo ndërkombëtar në këto zyra. Duke iu drejtuar stafit të pranishëm Gjonaj sqaroi se për çdo rast abuzimi në kurriz të qytetarëve apo akt korruptiv të konstatuar do të ndërmerren menjëherë masa disiplinore, si dhe do të referohet kallëzim penal në prokurori për çdo punonjës apo drejtues sa herë të ketë indice për konsumim të veprës penale. Nga ana tjetër në secili prej institucioneve në varësi të Ministrisë së Drejtësisë do të rishikohet përputhshmëria e vendit të punës për stafin aktual me arsimin apo kriteret ligjore të kërkuara në çdo rast. Nga ana e saj, zëvendëskryeministrja, znj. Senida Mesi vlerësoi mesazhin e përcjellë prej ministres Gjonaj ndaj punonjësve të ZVRPP- së dhe ALUIZNI- t, duke nënvizuar edhe një herë se qeveria me reformën që po ndërmerr synon ndryshimin e perceptimit të zyrave të administratës publike në sytë e qytetarëve. Të dy këto institucione duhet ta shikojnë veten dhe qëllimin e funksionimit të tyre si administrator të titujve të pronësisë në shërbim të qytetarëve dhe jo si pronar, apo vendimmarrës në dëm të tyre.