Replikat, Basha: Vetingu nga ministri. Xhafaj: Ki durim, Lulzim
Vetingu në polici merr dhe votat e opozitës, miratohet në parim "SPAK- u do të nisë nga unë dhe ti"!
Projektligji, për vetin gun në polici, kaloi dje me debate të shumta. Palët ranë dakord për ta votuar vetëm në parim, ndërsa nen për nen dhe në tërësi, do të votohet javën tjetër në seancën e ardhshme. Ky projektligj ka marrë 81 vota, asnjë votë kundër, ndërsa 31 vota kanë qenë abstenim. Pro këtij pr. ligji votuan edhe deputetë të opozitës, pasi mazhoranca ka 74 vota ndërsa bashkë me PDIU dhe Tom Doshin arrin në 78 vota. Sa i takon votimit nen për nen dhe në tërësi, ka pasur dakordësi maxhorancëopozitë për t'i votuar seancën e ardhshme, pasi LSI ka depozituar disa amendamente në projektligjin për vetingun në Policinë e Shtetit. Më herët kreu i PD- së, Lulzim Basha i kërkoi maxhorancës në Kuvend të miratojë amendamentin e opozitës për t'i shtuar ligjit të vetingut në polici edhe vetingun ndaj ministrit të Brendshëm. Por Fatmir Xhafaj i kujtoi SPAK, Byronë Kombëtare dhe hetimin e pasurive. Sipas Bashës nuk mund të ketë veting tek punonjësit e policisë pa u larguar arkitektët dhe organizatorët e krimit, duke iu referuar ish- ministrit Tahiri dhe kryeministrit Edi Rama. Sipas kryedemokratit, Rama e ka kthyer policinë në organizatë kriminale. "Është hera e tretë në 5 vite që Rama flet për vetingun në polici. Të gjithë e dimë si kemi ardhur këtu. Thonë se policia është në rregull, e pse duhet vetingu atëherë? Vetë ministri i tyre ishte bashkëpunëtor i krimit. Policia u kthye në organizatë kriminale. Rama krijoi policinë e tij kriminale. Vendosi koordinatorë kombëtarë për të lidhur PS me banda për të fituar zgjedhjet. Në 3 javët e para u bë ristrukturim, duke pushuar nga puna shumë policë, duke i zëvendësuar me persona me njerëz të korruptuar e lidhur me krimin. Policia e kapur dhe e inkriminuar ndërmori punët kryesore. Nuk kishte si qëllim shkatërrimin e Lazaratit, por donte kontrollin e gjithë
terroritorit të Shqipërisë nga kanabisi. E bëri Shqipërinë Lazarat. Derisa presioni ndërkombëtar u bë i papërballueshëm, e zëvendësoi Tahirin me një person që ka rekorde që nuk dua t'i përsëris, e ky person sot na sjell vetingun, por nuk mund të ketë veting pa larguar arkitektët", tha Basha. I menjëhershëm ishte edhe reagimi i ministrit
të Brendshëm Fatmir Xhafaj, i cili ka hedhur dorashkën e sfidës kryetarit të PD Basha duke i theksuar se nëse ka ' burrërinë' le të marrë nismën ligjore për veting ndaj ministrit, duke e paralajmëruar se shumë shpejt do te paraqitet një nisëm ligjore për SPAK, i cili do të hetojë jo vetëm ministrin, por edhe vete Bashën me gjithë rrethin familjar. "Do
ta shohim se si do dalim",- deklaroi z. Xhafaj. Nga ana tjetër, kreu i PD- së Lulzim Basha tha se opozita nuk impresionohet nga sjellja e tij. "Fatmir, unë e kuptoj që shkollën e ke bërë në kohën e komunizmit. Hetues ke qenë, por sot harroje se mund të impresionosh mua apo opozitën duke u sjellë si hetues i komunizmit. Harroje! Lëri dërdëllimat
këtu, këtu në ligj fut vetingun e ministrit. Mos na bëj si gardian i Kushtetutës. Ti ke ndryshuar Kodin e Procedurës Penale që yt vëlla të mos ekstradohet. Eja këtu dhe jep përgjigje. Por s'ke si të japësh përgjigje se je vendosur aty si Tahiri, me cen që të kontrollojë kapobanda. Edhe ti e kontrollon kapobandën, të gjithë e dinë se ca materialesh ko-
mpromentuese ke për të. A ka shqiptarë të besojë që kështu do luftohet mafia duke vënë figurat kryesore të mafies për të bërë vetingun e policisë? Mos u skuq e mos u zverdh, prano amendamentin e opozitës sot. Pasuria ime dhe e familjes sime është e verifikuar. Hiq dorë nga metodat e Sigurimit të Shtetit",- haBasha.