De Raho: Grupet kriminale, raporte me politikën shqiptare
Prokurori i Antimafies: Trafiku i kokainës, jo më monopol i Ndraghetas, e bëjnë shqiptarët "' Tahiri', në Itali hetohet kushdo"
Drejtësia italiane i kërkon qeverisë sh qiptare të shkëpusë lidhjet e policisë me krimin, konkretisht largimin e punonjësve të policisë, të cilët mund të kenë bashkëpunuar me grupet kriminale dhe krijimin një strukturë e besueshme dhe të identifikosh njerëzit e ndershëm. Prokurori Kombëtar i Antimafias dhe Antiterrorizmit, Federico Cafiero De Raho ndodhet në Tiranë për të forcuar bashkëpunimin në luftën kundër krimit të organizuar dhe trafikut të drogës. Federiko Cafiere de Raho zhvilloi dje takime me krerët me të lartë të Ministrisë së Brendshme, Prokuroren e Përgjithshme dhe drejtorin e përgjithshëm të Policisë së Shtetit. Pas takimeve, zyrtari i lartë italian vuri theksin te bashkëpunimi mes dy vendeve në luftën kundër krimit të organizuar dhe trafikut të drogës. Sipas tij, tashmë grupet kriminale shqiptare janë shumë prezente në Itali dhe madje kanë marrë në kontroll edhe trafikun e kokainës, i cili më parë ka qenë monopol i Ndragetës. Ajo që ishte shkruar në raportin e inteligjencës italiane për vitin 2017 se organizatat kriminale shqiptare kanë një rol shumë ta madh në trafikun e drogës, e konfirmon në Tiranë edhe Prokurori Kombëtar i Antimafias dhe Antiterrorizmit në Itali, Federico Cafiero De Raho. Zyrtari italian pas një takimi me kryeprokuroren e përkohshme, Arta Marku tha se krimi shqiptar bashkëpunon ngushtë më organizatat mafioze italiane Ndragheta dhe Sacra Corona Unita. Përveç drogave të lehta dhe trafikut të armëve, shqiptarët trafikojnë edhe kokainën. "Krimi shqiptar është shumë i pranishëm në Itali dhe në aleancë të ngushtë me Ndraghetën, Sacra Corona Unita dhe grupe të tjera kriminale. Ka një shtrirje në të gjithë bregdetin tonë, atë Jonian dhe Adriatik, poe edhe në pjesën veriore të Italisë. Grupet shqiptare drejtojnë në Itali duke trafikuar droga të lehta, por kohët e fundit shqetësim është bërë edhe trafiku i kokainës nga ana e tyre", deklaroi Federico Cafiero De Raho. Sipas tij, është me rëndësi që të largohen nga policia ata që bashkëpunojnë me grupet kriminale për të krijuar një strukturë të besueshme. "Largimi i punonjësve të policisë, të cilët mund të kenë bashkëpunuar me grupet kriminale është me rëndësi. Duhet krijuar një strukturë e besueshme dhe të identifikohen njerëzit e ndershëm. Vetingu në polici tregon dëshirë për të luftuar krimin", theksoi z. Cafiero De Raho. Prokurori italian takoi edhe ministrin e Bren-
dshëm, Famir Xhafaj me të cilin diskutoi për luftën kundër krimin dhe goditjen e aseteve financiare. Midis dy vendeve ka disa hetime të përbashkëta, për të cilat priten rezultat konkrete. I pyetur në lidhje me hetimet mbi bandën kriminale të
trafikut të drogës, "Habilaj", ku akuzohet si i përfshirë edhe ish- ministri i Brendshëm, Saimir Tahiri, zyrtari i lartë deklaroi se drejtësia vepron në mënyrë të barabartë për të gjithë njerëzit, pavarësisht se cilës shtresë i përkasin. Ai dha
mesazhin e qartë se duhet të shkëputen lidhjet e krimit me politikën dhe njerëzit e pushtetshëm. Në deklaratën e tij për gazetarët, për bashkëpunimin mes Italisë dhe Shqipërisë në lidhje me hetimet për Saimir Tahirin, ai tha: "Bashkëpunojmë me ata "Largimi i punonjësve të policisë, të cilët mund të kenë bashkëpunuar me grupet kriminale është me rëndësi. Duhet krijuar një strukturë e besueshme dhe të identifikosh njerëzit e ndershëm. Vetingu në polici tregon dëshirë për të luftuar krimin", theksoi z. Cafiero De Raho.
që kanë në objekt të punës luftën kundër krimin e organizuar. Ne kemi një rregull: zbatojmë ligjin në mënyrë të barabartë për çdo qytetar, të çdo niveli, pavarësisht nga statusi politik apo shoqëror. Në Itali hetohet kushdo. Kjo është forca jonë në Itali".