Akuzat për negociatorin e detit, Berisha: Spiun. Mbrojtja: Trillim
Pakti me Greqinë, kush janë 12 emrat që i dërgoi Bushati, Presidentit Sqarimi : Meçollari ka certifikatë sigurie nga DSIK
Ministria për Evropën e Punët e Jashtme dhe Presidenca kanë zbardhur më në fund pas përplasjeve mes njëra- tjetrës emrat e 12 anëtarëve të ekipit negociator për marrëveshjen e re me Greqinë. Në krye të listës qëndrojnë Armand Skapi nga Ministria e Jashtme dhe gjenerali Ylber DogjaniKomandant i Flotës Detare. Ai që ka hapur më shumë diskutime për praninë e tij në këtë listë është Artur Meçollari, si përfaqësues i Ministrisë së Mbrojtjes, një oficer karriere i kthyer pak kohë më parë nga një mision i rëndësishëm në Afganistan. Ish- kryeministri Sali Berisha denoncoi dje, si skandal vendosjen e emrit të Artur Meçollarit në këtë grup, duke thënë se ai është "spiun dhe agjent i të huajve". "Do ta denoncoj me ashpërsinë më të madhe vendosjen në krye të grupit të një ishspiuni të Forcave Ushtarake, i larguar pas dokumentimeve të pa kundërshtueshme të SHISH dhe ushtrisë, por edhe të dhënave të tjera. Gjithçka e realizuar me vendim të prokurorisë, ky është agjent, spiun. Bëhet fjalë për Artur Meçollarin",- tha Berisha, dje, para sallës së seancave parlamentare. "Të vendosësh në grup njerëz të tjerë, të cilët janë realisht me lidhje të shumë dyshimta, kjo do të thotë të kesh përgatitur ekipin e dorëzimit të detit, ekipin e dorëzimit të territorit dhe më e keqja të fushave më të mëdha të gazit dhe naftës të Jonit dhe Adriatikut. Këta edhe tradhtarin e fyejnë me këtë që bëjnë, ia ndyjnë emrin. Duhet të jesh i lehtë, i rrjedhur dhe defiçitar dhe të mos dish asgjë nga grekët, inteligjenca, praktika dhe njohuritë e tyre për detin, që doli Edi Rama t'u bëjë presion e pastaj t'i gëzojë me marrëveshjet që bën. E vërteta është që ka shkelur me të dy këmbët interesat kombëtare, integritetin territorial, pasuritë përrallore të nëndetit të këtij kombi e këtij vendi",- akuzoi Berisha, duke uruar që Presidenti Meta të zbatojë Kushtetutën. Por, pas denoncimit të Berishës reagoi Ministria e Mbrojtjes, e cila e cilëson si histori të trilluar nga Berisha atë për Artur Meçollarin, duke hedhur poshtë akuzat. "E gjitha është një histori e trilluar. Artur Meçollari ka certifikatë sigurie nga DSIK. Historia e akuzave është e mbyllur me vendim Ministria e Jashtme lajmëroi se i ka dërguar të gjitha sqarimet Presidentit të Republikës, ashtu siç i kërkoi ai, përmes një letre. Meta kërkoi që para marrjes së plotfuqisë për negociata me Greqinë të kishte një projektmarrëveshje në parim, të dinte arsyet, objektin e marrëveshjes, rezultatet e pritshme, efektet financiare që rrjedhin nga këto, etj.
PASKAL MILO
Ish- ministri i Jashtëm, Paskal Milo u shpreh dje, në News 24 se brenda 2- 3 ditësh Meta mund të japë autorizimin për çeljen e negociatave dhe marrëveshjet mes dy vendeve janë arritur në parim. "Meta nuk ka arsye pse mos japë autorizimin për plotfuqishmërinë në lidhje me negociatat me Greqinë. Ministria e Jashtme patjetër që duhet t'i ketë plotësuar kërkesat dhe mendoj se Meta brenda 2- 3 ditësh do japë autorizimin për të nisur negociatat me palën greke",- tha ai.
gjykate në 2013. Meçollari është pjesë e forcave të NATO- s në Afganistan",- deklaroi dje, Ministria e Mbrojtjes. Artur Meçollari është larguar nga detyra në 2012 nga Arben Imami, pas përplasjeve asokohe me ish- ministrin e Mbrojtjes, ndërsa është rikthyer në detyrë me vendim gjykate. Në listën me 12 negociatorë bëjnë pjesë edhe Arsen Mullai dhe ish- ministri Energjetikës Viktor Doda apo edhe dy gra, Aida Hajna- zv/ drejtoreshë e Policisë së Shtetit si dhe Elira Kokona, sekretare e Përgjithshme në Ministrinë e Drejtësisë. Një emër i njohur i diplomacisë shqiptare si Qirjako Qirko, aktualisht ambasador i Shqipërisë në Londër ish- sekretar i përgjithshëm në Ministrinë e Jashtme, njohës i mirë i dosjes Shqipëri- Greqi dhe pjesë e negociatave Bushati Kotzias në Kretë dhe Korçë.