Meta: Partitë politike në Shqipëri bashkohen për çeljen e negociatave
Presidenti pret kreun e KE- së: Zbatimi i reformave do rrisë besueshmërinë "Rol konstruktiv për përparimin e marrëdhënieve në rajon"
Presidenti i Republikës, Ilir Meta priti dje dele gacionin e lartë të Komisionit Evropian, të kryesuar nga presidenti i Komisionit, Jean- Claude Juncker, me pjesëmarrjen e komisionerit për Politikën e Fqinjësisë dhe Negociatat e Zgjerimit, Johannes Hahn. Sipas njoftimit për shtyp të Presidencës, Meta vlerësoi si shumë të rëndësishme dhe inkurajuese këtë vizitë për Shqipërinë. Presidenti i Republikës evidentoi faktin se të gjitha forcat politike parlamentare ndajnë të njëjtin synim madhor për integrimin e plotë të Shqipërisë në BE dhe bashkohen në dëshirën për çeljen sa më parë të negociatave të anëtarësimit. Kreu i shtetit shpreson se falë përpjekjeve të përbashkëta mes Shqipërisë dhe Komisionit Evropian, vendet anëtare do të binden për çeljen e negociatave të anëtarësimit të Shqipërisë gjatë Presidencës bullgare, gjatë këtij 6- mujori. Duke theksuar rëndësinë që ka zbatimi i reformave në 5 prioritetet kyçe, Presidenti Meta vlerësoi se rezultatet janë ato që do të rrisin besueshmërinë si te qytetarët shqiptarë, ashtu edhe tek vendet anëtare të BE- së. Duke u ndalur te zhvillimet në Ballkanin Perëndimor, Presidenti Meta inkurajoi heqjen sa më parë të regjimit të vizave për qytetarët e Kosovës, me besimin se Marrëveshja për Demarkacionin ndërmjet Kosovës dhe Malit të Zi do të përmbyllet së shpejti me sukses. Presidenti Meta ndau të njëjtën bindje mbi rëndësinë që ka forcimi i rolit stabilizues të Shqipërisë në rajon. Presidenti i Republikës siguroi se mbetet konseguent në rolin e tij konstruktiv dhe të dobishëm për përparimin e marrëdhënieve dypalëshe me të gjitha vendet e rajonit, duke nënvizuar rëndësinë që ka frenimi dhe dekurajimi i politikave populiste në dëm të proceseve integruese dhe atyre të paqes në Ballkanin Perëndimor. Presidenti i KEsë mbylli kështu vizitën e tij në Tiranë, për të vijuar turin në rajon e për ta mbyllur në Sofje. Një ditë më parë ai u takua me kryeministrin Edi
Rama, ku bëri të qartë se detyra e Shqipërisë deri në dhënien e rekomandimit për vendet e BE- së për çeljen e negociatave është zgjidhja e problemeve me Greqinë. Por, gjatë konferencës së përbashkët me Ramën, Juncker përmendi faktin se në Shqipëri janë bërë reforma dhe progres mbresëlënës. Ai inkurajoi autoritetet shqiptare që të vijojnë në këtë drejtim. "Nuk kam ardhur në Tiranë për të bërë premtime boshe. Është
shumë e lehtë që për të dhënë kënaqësi, t'ju them në këtë datë apo në atë datë do fillojmë negociatat, por nuk është ky qëllimi im. Vetëm mund të inkurajoj Shqipërinë që të vazhdojë reformat e rëndësishme, që janë ndërmarrë sidomos në luftën kundër krimit, vetingut, organizimit të gjykatave. Ne do jemi përkrah Shqipërisë për ta ndihmuar të përgatisë anëtarësimin", tha të dielën Juncker. Presidenti i Republikës siguroi se mbetet konseguent në rolin e tij konstruktiv dhe të dobishëm për përparimin e marrëdhënieve dypalëshe me të gjitha vendet e rajonit, duke nënvizuar rëndësinë që ka frenimi dhe dekurajimi i politikave populiste në dëm të proceseve integruese dhe atyre të paqes në Ballkanin Perëndimor.