Nishani: Rama na bëri me turp, gënjeu në sy të Juncker për 5 prioritetet
Ish- presidenti komenton deklaratat gjatë pritjes së kreut të KE
Ish-
presidenti Bujar Nishani akuzoi kryeministrin Edi Rama se gënjeu publikisht gjatë konferencës për shtyp me zyrtarin e lartë të BE- së, Jean Clod Juncker. "Opinioni publik priste me shumë interes konferencën e shtypit të lajmëruar nga Kryeministria për të dëgjuar se çfarë raportimesh të rëndësishme dhe inkurajuese i kishte paraqitur kryeministri i vendit, presidentit të Komisionit si arritje të Shqipërisë. Ne tashmë e dimë që janë 5 ( pesë) prioritetet kyçe mbi të cilat ngrihet i gjithë procesi deri në hapjen e negociatave. Kryeministri ynë jo thjesht na zhgënjeu, por na bëri me turp të gjithëve", tha dje Nishani. "Kësisoj, ne nuk e pranojmë këtë turp, ndaj të paktën e denoncojmë. Po pse na bëri me turp ? Sepse e gënjeu publikisht, në konferencë zyrtare shtypi dhe përpara të gjithë opinionit publik, presidentin e Komisionit. Kryeministri nuk na tha asgjë dhe asnjë fjalë rreth 5 prioriteteve kyçe. Asnjë ' track record' në këto 5 fusha! ' Vetingu ka larguar 17 ( shtatëmbëdhjetë) prokurorë e gjyqtarë', raporton kryeministri. Sa turp që e gënjen presidentin Juncker ky kryeministri ynë!", u shpreh Nishani. Sipas tij, "kryeministri nuk mund t'i thotë Presidentit të Komisionit se e hoqi kryeprokurorin dhe tani ka filluar goditjen e korrupsionit. Kjo është një sjellje që na bën me turp të gjithëve. Cili korrupsion po goditet? Arrestimi i një drejtori dhe thirrja për intervistë e ministrave të partisë tjetër gjatë bashkëqeverisjes, qenka ' truck record'- i i luftës ndaj korrupsionit?", ngre pyetjet Nishani. "Për fatin tonë të mirë, Komisioni Evropian përtej problematikave që ne kemi në lidhje me 5 prioritetet, ka një qëndrim të konsoliduar në dhënien e rekomandimit për hapjen e negociatave", tha Nishani.