Kapen me 1 kg kokainë, bien në pranga 2 durrsakë

Policia: Lënda narkotike me vlerë 100 mijë euro u sekuestrua në makinën e trafikantëve Ermir Bajramaj dhe Besim Hajdaraj shisnin drogë në zonën e ish- Bllokut

Dy persona kanë rënë në pranga e policisë ditën e djeshme pasi akuzohen se shpërndanin kokainë në lolaket e natës, në zonën e ish- Bllokut. Bëhet fjalë për shtetasit Ermir Bajramaj, 37 vjeç dhe Besim Hajdaraj, 47 vjeç, të dy banues në Durrës. Dy trafikantët u kapën në flagrancë në rrugën "Kongresi Manastirit". Gjatë kontrollit në automjetit tip "Nissan micra", i cili drejtohet nga Bajramaj, u gjet dhe u sekuestrua një sasi lënde narkotike e dyshuar "Kokainë" e cila pas peshimit rezultoi 1 kg e 52. 8 gr. Droga e sekuestruar, e cila do të shpërndahej në zonën e ish- Bllokut kapte vlerë 100 mijë euro.

ARRESTIMI

Policia e Tiranës ka finalizuar ditën e djeshme operacionin antidrogë të koduar "High Class". Nga Seksioni për Hetimin e Narkotikëve në DVP Tiranë, në vijim të punës për goditjen e veprimtarisë kriminale në fushën e lëndëve narkotike dhe kryesisht për drogat e forta, bazuar në informacionet e siguruara në rrugë operative, uniformat blu arrestuan në flagrancë shtetasit Ermir Bajramaj, 37 vjeç, dhe Besim Hajdaraj, 47 vjeç. Të targë DR 3425 F, që drejtohej nga shtetasi Ermir Bajramaj dhe janë kapur në flagrancë, ku gjatë kontrollit të automjetit u gjet e u sekuestrua në cilësinë e provës materiale një sasi lënde narkotike e dyshuar "Kokainë", e cila pas peshimit rezultoi 1 kg e 52. 8 gr. Droga e sekuestruar kapte vlerën 100 mijë euro. Lënda narkotike ishte e destinuar të shitej në qytetin e Tiranës, në lokalet e natës, në zonën e ish- Bllokut. Ndërkohë vijojnë veprimet për dokumentimin e plotë të kësaj veprimtarie kriminale. Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprën penale të "Prodhimi dhe shitja e narkotikëve, kryer në bashkëpunim".