Meçollarin e pezulloi nga detyra Imami: Basha u informua, por heshti
Ish- ministri: Arsyet pse Artur Meçollari s'duhet të jetë në grupin negociator “Dikush gdhin i akuzuar si ‘ spiun’ e ngryset ‘ hero’”
Ish- ministri i Mbrojtjes, Arben Imami zbardhi dje të gjitha arsyet se pse Artur Meçollari nuk duhet të jetë pjesë e negociatave për Marrëveshjen e Detit me Greqinë. Sipas Imamit, Meçollari ishte shkarkuar për probleme që njiheshin mirë nga Shërbimi Informativ i Ushtrisë, por ai e fitoi gjyqin kundër shkarkimit të tij, pasi Ministria e Mbrojtjes nën drejtimin e socialistëve nuk mbrojti interesin e shtetit në gjykatë. Imami sulmoi edhe kryetarin e PD- së, Lulzim Basha, që sipas tij ka qenë prej kohësh i informuar për Meçollarin, por nuk ka reaguar për një gjë të tillë, pasi sipas ish- ministrit, mbron Edi Ramën. Imami përmend se negociatat midis palëve ndërluftuese bëhen nëpër hotele, negociatat dhe bisedimet mes vendeve fqinjë dhe aleatë, si Shqipëria dhe Greqia bëhen formale, transparente, ligjore dhe me frymën e bashkëpunimit. Sipas tij, bisedimet në hotelet e Kretës dhe Korçës janë problematike. "Pjesëmarrja në këto bisedime e z. Artur Meçollari në cilësinë e përfaqësuesit të Ministrisë së Mbrojtjes nga njëra anë tregojnë se bisedimet nuk janë aq sportive sa duket nga veshja e dy ministrave të Jashtëm, por janë të përfshira edhe në nivel teknik. Pra negociatat kanë filluar, në mos edhe kanë mbaruar. Nga ana tjetër, përfshirja e z. Meçollari, i zhveshur me vendim ministri për shkelje të ligjit, në këto negociata e cenon besimin e publikut tek një proces, që edhe deri këtu është jotransparent", shprehet z. Imami. "Por - shprehet ai - kjo çështje ka nxjerrë në pah edhe dy probleme të tjera. Së pari, z. Meçollari ka fituar gjyqin kundër vendimit të ministrit të Mbrojtjes sepse Ministria e Mbrojtjes nuk ka mbrojtur interesin në të mirë të vendit dhe as sigurinë brenda Forcave të Armatosura. Duket sheshit se MM, nën drejtimin e Partisë Socialiste, nuk ka paraqitur në "Artur Meçollari nuk mund të jetë pjesë e tryezës për negocimin e hapësirës detare. Ka shkelur stautsin e Forcave të Armatosura, për këtë arsye është larguar. Ekzistojnë dokumente të plota që ka shkelur statusin e ushtarakut dhe për këtë arsye nuk mund të jetë pjesë. Nuk bëhet fjalë për një marrëdhënie të shtetit tonë me NATO- n, por me interesin kombëtar. Në radhë të parë është interesi kombëtar, pastaj ai për NATO- n”, - tha ish- kreu i FA- ve.