Acari, vendi mbulohet nga dëbora, izolohen disa fshatra
ARRSH: Ja akset rrugore problematike. Forcat e Armatosura shpëtojnë gruan e izoluar në Kukës Pezullohet mësimi në plot 321 shkolla
Pothuajse i gjithë ven di ditën e djeshme ‘ është zgjuar i mbuluar nga dëbora, çka është shoqëruar me bllokimin e disa fshatrave dhe vështirësi në qarkullim në disa akse rrugore. Gjithashtu, si pasojë e motit të acartë, është pezulluar mësimi në plot 321 shkolla në mbarë vendin, e Ministria e Arsimit ka bërë me dije se orët e humbura do të zëvendësohen pas përmirësimit të situatës. Ndërkaq, numri i studentëve të paraqitur në auditorët e Universitetit të Shkodrës ka qenë i ulët, çka ka sjellë pezullim mësimi për dy ditë edhe në këtë institucion. Edhe në qarkun e Dibrës, mësimi u pezullua në të gjitha njësitë administrative pasi dëbora arriti në 40 centimetra trashësi dhe akulli në rrugë vështirësoi lëvizjen e njerëzve dhe mjeteve. Ndërsa në Kukës, rreth 50 % e e shkollave në fshatra nuk bënë mësim për shkak të numrit të lartë të mungesave të nxënësve. Edhe nxënësit e fshatrave të thella të Librazhdit e Gramshit në qarkun e Elbasanit, dhe Lezhës mbetën pa mësim ditën e djeshme për shkak të ngricave e reshjeve të dendura të dëborës.
AKSET KOMBËTARE
Situata më e vështirë për sa i përket kalueshmërisë në akset rrugore paraqitet në Elbasan, Korçë, Kukës, Dibër e Shkodër. Sipas të dhënave pasditen e djeshme nga Autoriteti Rrugor Shqiptar, në qarkun e Dibrës segmentet nga Suci- BulqizePeshkopi qarkullimi kryhet me zinxhirë ndërsa në aksin Klos- Bulqizë- Peshkopi reshjet e borës janë shoqëruar edhe me erëra të forta në një kohë që në aksin KubenVasije trashësia e dëborës ka arritur në 50- 60 cm. Një tjetër segment rrugor problematik është edhe ai i Zgozhd- Suden- Stebleve në Qarkun Elbasan i cili rezulton totalisht i bllokuar dhe i pakalueshëm ndërkohë që në aksin Librazhd- Zgozhd lëvizja e automjeteve mund të bëhet vetëm me zinxhir. Gjithashtu, në disa zona të thella të Librazhdit, trashësia e dëborës ka arritur 5070 cm e janë izoluar disa fshatra të kësaj bashkie, ndërsa aksi Librazhd- Peshkopi është i pakalueshëm. Moti i acartë ka sjellë pezullimin e mësimit në njësitë administrative Labinot Mal, Gracen, Stëblevë, Qarrishtë e Lunik si dhe ndërprerje të en-
ergjisë elektrike në këto zona. I gjithë qarku i Shkodrës dhe qyteti janë përfshirë nga reshje të dendura bore ku trashësia në qytet ka arritur reth 15 cm ndërsa në Dukagjin dhe Iballë të Pukës, rrugët u bllokuan. Situatë problematike është paraqitur edhe në fshatin Tejdrinë të njësisë adminis-
trative Ujmisht në Bashkinë e Kukësit ku një 38 vjeçare ishte bllokuar në shtëpinë e saj në gjendje të rëndë shëndetësore. Pas 3 orë ecjeje në këmbë, Forcat e Armatosura kanë arritur të transportojnë dje për në spitalin rajonal të Kukësit nënën e dy fëmijëve, Trëndafile Miçi, e cila paraqitej me temper- 18- vjeçari nga Vlora, Fabio Bashllari ka humbur në Llogora në orët e vona të pasdites së të hënës. Sipas apelit që kanë bërë familjarët e të riut në rrjetin social "Facebook" bëhet me dije se ai ka humbur në mjegullat e Llogorasë ku kishte shkuar në një udhëtim me miqtë e tij. Pavarësisht kërkimeve të 4 miqve të tij, Bashllari nuk u bë më i gjallë, ndërkohë që familja bën thirrje për ndihmë.
Edhe kryeqyteti është mbuluar nga dëbora ditën e djeshme e parashikohet që do të vazhdojnë edhe ditën e sotme. Sipas Institutit të Gjeoshkencës më 28 shkurt ( sot) në shumicën e qarqeve priten reshje të dobëta, ndërsa në Dibër, Tiranë dhe Elbasan reshje mesatare. Reshjet në formë dëbore do të jenë prezente kryesisht në
zonat malore, por edhe në ultësirat fushore deri në afërsi të bregdetit. Sipas IGJEUM reshjet e dëborës mund të sjellin problematika të ndryshme në transportin rrugor dhe ngrica si pasojë e uljes së ndjeshme të temperaturave, sidomos gjatë natës. Nga llogaritjet hidrologjike e IGJEUM, rezulton se lumenjtë në të gjithë territorin do të kenë prurje të qëndrueshme përgjatë dy ditëve të ardhshme. Por nga data 2 mars 2018 dhe ditët në vazhdim tendenca e prurjeve do të jetë drejt rritjes.