Dokumenti, kompania që solli kokainën mori dhe 97 dërgesa nga Amerika e Jugut
Kodet në 528 pakot me drogë iu referohen grupeve kriminale që do merrnin ngarkesën Dërgesat janë kryer përmes agjencisë doganore ' Panjiva'
Arbër Çekaj është pr onari i kompanisë "Arbri Garden" që porositi sasinë prej 613 kg kokainë nga Kolumbia. Sipas ekstraktit të QKR, kjo kompani me qendër në Maminas është regjistruar në datën 3 maj të vitit 2012. Aktiviteti i saj është import- eksport, prodhim dhe tregtim i artikujve të ndryshëm, ndërsa deklaron se ka një kapital prej 20 milionë lekësh. Nga kërkimi në QKR, rezulton se 38- vjeçari Çekaj është aksioneri i vetëm i kompanisë, ndërsa sipas PD- së që ka publikuar dokumentin e agjencisë së huaj, kjo kompani ka marrë edhe më herët 97 ngarkesa nga Amerika e Jugut. Dërgesat janë kryer përmes agjencisë doganore ' Panjiva', ndërsa nuk është konfirmuar që ndonjë nga importet e mëparshme ka pasur dërgim droge. "Panjiva organizon dhe indekson të dhëna të marra nga burime të treta të ndryshme, kryesisht agjenci doganore, por, gjithashtu, burime të informacionit tregtar si Dun& Bradstreet, ZoomInfo, dhe Kompass. Platforma e Panjiva grumbullon këto burime të ndryshme të dhënash për të prodhuar informacion mbi kompani dhe agjentë të tjerë angazhuar në tregti ndërkombëtare"- thuhet në faqen e ' Panjiva', e cila ka dhënë edhe informacionin për ' Arbri Garden'. Njëri nga të arrestuarit nga policia, Donaldo Lushaj, figuron personi i autorizuar nga Arber Cekaj si ai që mund të kryejë të gjithë veprimet pranë QKR. Pas sekuestrimit të sasisë së kokainës që vinte nga Kolumbia, policia ka shpallur në kërkim pronarin e ko-
mpanisë që porositi kokainën, Arbër Çekaj, i cili mësohet se ka pasur dijeni për trafikun e lëndës narkotike. Ndonëse policia ka vepruar shumë shpejt, nuk është bërë i mundur arrestimi i biznesmenit. Gjatë kontrollit të ushtruar në banesën e
tij në Manzë nuk janë gjetur sende komprometuese. Mësohet se shumicën e kohës ai qëndronte në Gjermani. Ndërkaq, vijojnë hetimet për të zbardhur gjithë rrjetin e trafikut të kokainës dhe kapjen e "peshqve të mëdhenj". Një tjetër sasi e madhe kokaine me destinacion Shqipërinë është zbuluar dhe sekuestruar në Ekuador. Mësohet se gjatë aksionit janë bllokuar dy kontenierë bananesh që transportonin 184,7 kg kokainë të pastër me vlerë mbi 10 milionë euro në treg. Lajmi bëhet i ditur nga "eluniverso. com", të cilave iu referohet edhe agjencia prestigjioze "Associaded Press".
KODET NË PAKOT E DROGËS
Sasia prej 613 kg kokainë ishte e ndarë në 528 pako, në të cilat ka mbishkrime "020", "777", "CA 17" dhe "KE". Gazetarja Klodiana Lala deklaroi dje në "News 24" se kodet në pakot e kokainës iu referohen grupeve që marrin sasitë e drogës. "Kapja e kësaj sasie dëshmon që Shqipëria është kthyer në një korridor droge, vend transit për drogat e forta. Në këtë rast nuk bëhet fjalë për një grup të vetëm kriminal, por për bashkëpunim të grupeve kriminale. Numrat në pako, kodet që iu referohen grupeve që marrin sasitë e drogës, flasim për një kartel që do trafikonte një sasi të madhe. Do merrej në dorëzim në Maminas dhe do kalohej në sasi më të vogla drejt vendeve të BE- së ",- deklaroi Lala. Gjithashtu, ajo shtoi se nga "policia e prokuroria janë duke u kontrolluar njerëzit e huaj që kanë hyrë në territorin shqiptar dhe lëvizjet e tyre. Janë duke u përpiluar me shpejtësi disa letër- porosi, në drejtim të Maltës, Italisë".