"Deti", Bushati: Nuk ka pakt, Presidentin e kemi informuar
Deputetët e PD- së kërkojnë në komision, Meta: I gatshëm të vij Debatet me opozitën, ministri: Meçollari, certifikatë nga NATO
Ministri për Europën dhe Punët e Jasht me Ditmir Bushati sqaroi dje, se nuk ka një marrëveshje me palën greke për kufirin detar. Gjatë dëgjesës në Komisionin e Jashtëm në Kuvend, Bushati pati edhe përplasje me deputetët e opozitës, por ironizoi edhe Presidentin e Republikës, duke e cilësuar "i shkreti", pasi nuk ka bërë dallimin mes autorizimit dhe "plotfuqishmërisë". Në këtë moment kryetarja e komisionit Mimi Kodheli i kërkoi që të ruante etikën. Deputeti i PD- së, Tritan Shehu propozoi që në komision për dëgjesë të thirret edhe Presidenti Ilir Meta. Kjo është hera e parë, që procedohet me një thirrje të tillë për kreun e shtetit. Mbetet në dorën e kryetares së komisionit nëse do ta realizojë këtë dëgjesë. Por nga ana e tij, kreu i shtetit Meta e dha përgjigjen se është i gatshëm të shkojë në komision, para deputetëve. Përmes zëdhënësit të Presidencës, Tedi Blushi, ky institucion shprehet: "Presidenti Ilir Meta është gati të shkojë në çdo kohë në parlament kur ta kërkojë Komisioni parlamentar për Marrëdhëniet me Jashtë dhe është gati në çdo kohë t'iu përgjigjet pyetjeve të deputetëve". Nga ana e tij, edhe ministri Bushati kërkoi që së bashku me Presidentin të jetë edhe ai në komision, për të ballafaquar faktet. Gjatë fjalës së tij, dje, Bushati u shpreh: "Duhet një marrëveshje e re për detin. Takimet në Kretë dhe në Korçë kanë qenë frytdhënëse. Ia kam shpjeguar me maturi Presidentit. Janë bërë diskutime që në 2014 për të kuptuar shqetësimet dhe kufizimet që kanë palët për këtë proces". "Kemi rënë dakord me Greqinë për t'u ulur për një marrëveshje të re. Akoma nuk ka një marrëveshje. Presidenti ka kërkuar emrat e negociatorëve dhe CV e tyre, ne ua kemi vendosur në dispozicion. Për këta emra ka kërkuar një verifikim nga instancat. Ne kemi bërë veri- fikimin tonë, por nuk është normale për një shtet që të diskutojmë emrat në publik dhe linçimin e tyre",- tha Bushati. "Presidenti jep autorizimin, plotfuqishmëria është kompetencë e ministrit të punëve të Jashtme. Unë i kam kërkuar dhënien e au- torizimit Presidentit të Republikës, për të filluar punën konkrete. Pra, edhe njëherë Presidenti nuk lëshon plotfuqinë, por autorizimin, i shkreti nuk e dinte"- tha ministri, ndërkohë qe reagoi Kodheli duke i kërkuar që të ruajë etikën. "Unë jam besim- Zëdhënësi i Presidentit, Tedi Blushi u shpreh dje: "Presidenti Ilir Meta është gati të shkojë në çdo kohë në parlament kur ta kërkojë Komisioni parlamentar për Marrëdhëniet me Jashtë. Presidenti Ilir Meta është gati në çdo kohë t'iu përgjigjet pyetjeve të deputetëve". plotë se negociatat kur të hapen do të përfundojnë me një marrëveshje. Nëse nuk përfundon me një marrëveshje do të shkohet në arbitrazh ndërkombëtar në dakordësi me palën tjetër, sepse një zgjidhje kjo çështje do ta marrë",- tha Bushati. Partia Demokratike kërkoi dje, që në Komisionin e Sigurisë për dëgjesë të thirret edhe ministrja e Mbrojtjes Olta Xhaçka, kreu i Shërbimit Informativ të Ushtrisë Bardhyl Nuredini, kolonel si dhe Shefin e Shtabit të FA- ve, Gjeneral Brigade Bardhyl Kollçaku. Deputetët e PD- së do ta dorëzojnë kërkesën e tyre në Kuvend për të kërkuar edhe nga këta drejtues sqarime për Artur Meçollarin.