Panariti, thirrje qeverisë: Kujdes me gjurmimin e peshkarexhave, cenohet siguria kombëtare

Ish-

ministri i Bujqësisë, Edmond Panariti i bën thir rje qeverisë të ketë kujdes me kalimin e sistemit të gjurmimit të peshkimit në duar të të tretëve. Ai e konsideron këtë veprim si cenim të sigurisë kombëtare. Në postimin e mëposhtëm është arsyetimi i ish- ministrit mbi këtë çështje: "Kalimi i sistemit të gjurmimit të flotës së peshkimit në duar të treta cenon sigurinë kombëtare. Kujdes, kujdes, kujdes me peshkimin! Nuk është vetëm prodhim, por edhe siguri kombëtare! Kam qenë dhe jam i bindur se peshkimi te ne ka pasur vazhdimisht rritje. Sepse këtë e tregonte ' de facto', prodhimi dhe tregtia e peshkut në terren. Sepse sektori kërceu edhe falë mbështetjes tonë me subvencione të forta të karburantit për peshkarexha. Por dëmtimi i sistemit europian të gjurmimit të peshkimit ( Blue Box), veçanërisht pas prillit te 2017- ës deformoi statistikat, raportonte njëzet herë më pak nga realiteti dhe çka është më e rëndë, nuk zbulonte vendndodhjen e anijeve të peshkimit. Kujdes! Duhet të analizojmë me shumë përgjegjësi arsyet përpara se të veprojmë për të korrektuar gjendjen. Kujdes! Shqipëria ka nënshkruar marrëveshjen e masave portuale të kërkuara nga Amerika për parandalimin e trafiqeve të paligjshme, mungesën e raportimit nga flota dhe pengimin e peshkimit të paligjshëm. Përshëndes qeverinë, e cila vendosi të mbulojë me fondet e saj funksionimin e sistemit, por ajo nuk duhet të heqë dorë në asnjë mënyrë nga mbikëqyrja dhe administrimi i sistemit... Përpos të tjerave, kjo do të ishte cenim i sigurisë! Tani që paratë u siguruan, thjesht të vazhdohet me përgjegjësi shtetërore në rrugën e sistemit të instaluar nga Bashkimi Europian për këtë qëllim".