Shkaqet e humbjes, Bashës i dorëzohen raportet konfidenciale
Rekomandimet e degëve, PD mbyll analizën e zgjedhjeve, identifikohen "tradhtarët" Dokumentohet vjedhja e votës së 25 qershorit
Pas 4 muajsh takime me bazën e partisë, demokratët kanë mbyllur procesin e konsultimeve dhe analizës me strukturat dhe anëtarësinë e Partisë Demokratike. Pas këtij procesi të gjatë, i cili ishte parashikuar vetëm 8 javë sipas udhëzimit të kreut Basha, tashmë PD ka identifikuar problematikat e brendshme të shfaqura në zgjedhjet e 25 qershorit 2017, si dhe të hapat konkretë për t'i korrigjuar ato. Gjithashtu, burime për "GSH" brenda PD- së bëjnë me dije se janë identifikuar edhe instrumentet dhe personat përgjegjës të presionit politik, ekonomik, administrativ dhe korruptiv të blerjes dhe manipulimit të votës, të përdorura gjerësisht nga mazhoranca qeverisëse gjatë zgjedhjeve të fundit parlamentare. Njëri prej të deleguarve nga qendra në Berat, sekretari organizativ i PDsë, Enno Bozdo është shprehur për "GSH" se: "Unë kam marrë shumë dëshmi të identifikimit me ' emër dhe mbiemër' të mbjellësve të drogës, të shpërndarësve të parave në zona të caktuara, të kasnecëve monetare si dhe të atyre zyrtarëve që bënin presion me ndihmën ekonomike dhe me vendin e punës. Të gjitha këto do të dokumentohen. PD do të marrë të gjitha hapat e nevojshme politike dhe ligjore për të trajtuar këtë fenomen. Të dhënat e marra nga terreni janë të një rëndësie të dorës së parë për sa u përket betejave të ardhshme elektorale të PD- së, që po afrohen shumë më shpejt nga ç'ishte menduar". Tashmë Partia Demokratike ka përfunduar procesin e analizës së zgjedhjeve, pas humbjes së rëndë që mori në zgjedhjet e 25 qershorit. Më 7 tetor, kreu i PD, Lulzim Basha, pasi deklaroi se mban përgjegjësitë kryesore për humbjen e zgjedhjeve të 25 qershorit, kërkoi të analizojë çdo faktor, që e thelloi edhe më tej disfatën e demokratëve. Pritet që z. Basha të firmosë një udhëzim për riorganizimin e forcës së tij politike. Do të jetë pikërisht udhëzimi i kreut të PDsë, ai që do të përcaktojë se cilat degë do të hyjnë në zgjedhje dhe çfarë kriteresh do të ketë për ata që do të
zgjidhen. Në këtë udhëzim, Basha pritet të caktojë sërish të deleguar në të gjitha degët e PD- së. Mësohet se z. Basha do ta çojë procesin e riorganizimit të forcës së tij politike deri në fund, pavarësisht aksionit politik të opozitës. Të deleguarit e Bashës në degë kanë sjellë një sërë rekomandimesh, që strukturat i sugjerojnë kre- ut të PD- së për zgjedhjet e brendshme në parti apo edhe
për ndryshimet në statut. Mësohet se disa degë kanë kërkuar që kryetarët e degëve lokale të zgjidhen përmes parimit ' një anëtar, një votë', model ky i ndjekur edhe për zgjedhjen e kryetarit të partisë dhe kreut të FRPD- së. Gjithashtu, ka pasur rekomandime që kandidatët për kryetarë bashkish t'i zgjedhin degët dhe jo kryesia e PD- së në Tiranë. Të gjitha këto rekomandime do të duhet të anali-
zohen fillimisht nga kryetari Basha dhe lidershipi i tij e më pas të pasqyrohen në udhëzimin që do të tregojë modelin e riorganizimit të partisë. Procesi i zgjedhjeve në seksione, grupseksione dhe degë parashikohet të zgjasë jo më pas se 3 muaj, duke u përmbyllur në muajin prill. Në përfundim të këtyre zgjedhjeve do të mblidhet Kuvendi Kombëtar, i cili parashikohet të mblidhet në muajin maj.