Humbi jetën për të ndaluar grabitësit, PD: Agur Vrenozit t'i jepet titulli "Qytetar Nderi"
FIER - Këshilltarët demokratë të Bashkisë e Fierit i kanë propozuar Këshillit Bashkiak dhënien e titullit "Qytetar Nderi" për 54- vjeçarin Agur Vrenozi, i cili u vra të premten gjatë përpjekjes për të ndaluar grabitësit në një pikë këmbimi valutor në këtë qytet. Këtë gjë e ka bërë të ditur kryetari i PDsë në Fier, Luan Baçi. "Qytetarët e Fierit përcollën me dhimbje dhe plot respekt për në banesën e fundit, njeriun model të sjelljes qytetare, djalin e dy prindërve shembullorë, babain e dy vajzave dhe dy djemve të mrekullueshëm, bashkëshort, vëlla dhe mikun e mirë, Agur Vrenozi. Aguri kreu një akt heroik, nuk ngurroi të ndërhynte duke i ardhur në ndihmë bashkëqytetarit të tij për të ndaluar grabitjen në mes të ditës, në mes të qytetit, duke bërë të mundur kapjen e autorëve të këtij krimi brenda pak minutash. Ishte akti heroik i Agurit, që bëri të mundur kapjen nga policia të autorëve, por kjo i kushtoi jetën Agur Vrenozit. Unë personalisht i shpreh ngushëllimet më të sinqerta familjes së tij. Aguri ishte një nga drejtuesit më të mirë të strukturave të PD- së Dega Fier, një kryetar seksioni i aftë dhe i përkushtuar dhe një nga miqtë e mi më të mirë. Sot këshilltarët e Partisë Demokratike në Fier i propozojnë Këshillit Bashkiak bërjen qytetar nderi të Bashkisë Dier z. Agur Vrenozi. Nesër në seancë parlamentare do t'i kërkoj Kuvendit të Shqipërisë të mbajmë një minutë heshtje për nderimin e aktit heroik të qytetarit të nderuar dhe mikut tonë Agur Vrenozi", shkruan Baçi
NGJARJA
Paraditen e së enjtes, dy persona të armatosur dhe me maska hynë në një pikë këmbimi valutor përballë gjimnazit "Janaq Kilica" në Fier, duke lënë të plagosur pronarin e pikës Gëzim Hoxha dhe pronarin e ndërtesës Agur Vrenozi, i cili ndërroi jetë më pas në spital. Tre autorët Zini Fyraj, Lulëzim Demiraj, Dashamir Gergali u kapën pas një aksioni të shpejtë të policisë. në "Facebook". Paraditen e së enjtes, dy persona të armatosur dhe me maska hynë në një pikë këmbimi valutor përballë gjimnazit "Janaq Kilica" në Fier, duke lënë të plagosur pronarin e pikës Gëzim Hoxha dhe pronarin e ndërtesës Agur Vrenozi, i cili ndërroi jetë më pas në spital. Tre autorët Zini Fyraj, Lulëzim Demiraj, Dashamir Gergali u kapën pas një aksioni të shpejtë të policisë.