Kryesia, sot diskutohet raporti final i 53 degëve të PD- së
Kreu
i PD- së, Lulzim Basha do të mbledhë sot kryes inë e partisë për të marrë një vendim të rëndësishëm. Mbledhja e kryesisë së PD vjen pas dorëzimit të materialeve dhe analizës së bërë nga degët për humbjen e zgjedhjeve të 25 qershorit të vitit të kaluar. Në këtë mbledhje, që nis në orën 17: 00 të pasdites së sotme, do të vendoset data e mbledhjes së Kuvendit Kombëtar të Partisë Demokratike, që pritet të mbahet në muajin maj, ku do të diskutohet platforma që do të ketë partia. Mbledhja e sotme e kryesisë pritet të shoqërohet me debate, pasi do të prezantohet dokumenti final i 53 degëve të PD- së. Pas procesit të analizës së humbjes së zgjedhjeve, i cili zgjati katër muaj, tashmë përmes një raporti final, PDja ka identifikuar problematikat e brendshme të shfaqura në zgjedhjet e 25 qershorit 2017, si dhe të hapat konkretë për t'i korrigjuar ato. Gjithashtu, burime për ' GSH' brenda PD- së bëjnë me dije se janë identifikuar "tradhtarët" brenda partisë, të cilët nuk bënë fushatë për PD- në me 25 qershor, si edhe instrumentet dhe personat përgjegjës të presionit politik, ekonomik, administrativ dhe korruptiv, të blerjes dhe manipulimit të votës, të përdorura gjerësisht nga mazhoranca qeverisëse gjatë zgjedhjeve të fundit parlamentare. Të deleguarit e Bashës në degë kanë sjellë një sërë rekomandimesh, që strukturat i sugjerojnë kreut të PD- së për zgjedhjet e brendshme në parti apo edhe për ndryshimet në statut. Mësohet se disa degë kanë kërkuar që kryetarët e degëve lokale të zgjidhen përmes parimit "një anëtar, një votë", model ky i ndjekur edhe për zgjedhjen e kryetarit të partisë dhe kreut të FRPDsë. Gjithashtu, ka pasur rekomandime që kandidatët për kryetarë bashkish t'i zgjedhin degët dhe jo kryesia e PD- së në Tiranë. Të gjitha këto rekomandime do të duhet të analizohen fillimisht nga kryetari Basha dhe lidershipi i tij e më pas të pasqyrohen në udhëzimin që do të tregojë modelin e riorganizimit të partisë. Procesi i zgjedhjeve në seksione, grupseksione dhe degë parashikohet të zgjasë jo më pas se 3 muaj, duke u përmbyllur në muajin prill. Në përfundim të këtyre zgjedhjeve do të mblidhet Kuvendi Kombëtar, i cili parashikohet të mblidhet në muajin maj.