Vasili: Administrata publike, në ditët e saj më të errëta, dëbime pa arsye
Kreu i Grupit të LSI- së: Kryeministri ka instaluar luftën e klasave
Kryetari
i Grupit Par lamentar të LSI- së, Petrit Vasili deklaroi dje, se administrata publike po përjeton ditët e saj më të errëta. Përmes një statusi në rrjetin social, "FB", Vasili u shpreh dje: "Administrata publike është kthyer përfundimisht në një çorbë të prishur që ka erën e rëndë të persekutimit partiak dhe paaftësisë së tmerrshme profesionale. Sharlatanizmi ia ka zënë vendin profesionalizmit dhe diplomës ja ka zënë tesera e partisë së rilindjes". Sipas tij, qindra e qindra punonjës dëbohen nga administrata pa asnjë arsye thjesht dhe vetëm me urdhra partie deputetësh të qeverisë apo militantësh gjithfarësh". Vasili tha se "ligji i shërbimit civil është shkelur e shqyer, është zëvendësuar me nenin 24/ 2 dhe është bërë përfundimisht një grumbull fjalësh, që kutërbojnë e që kryeministri e ka hedhur në plehra. Këtë e konfirmon qartë raporti transparent i komisionerit të shërbimit civil ku më shumë se një e treta e punonjësve emërohen në shkelje të ligjit".
"Një luftë e re klasash është instaluar në administratë dhe çdo punonjës pret me tmerr se kur do ta thërrasë drejtori përkatës i rilindjes për ta përzënë nga puna",tha Vasili. "Administrata publike po përjeton ditët e saj më të errëta njësoj si atëherë kur pas vitit 1992 me nenin famëkeq 24/ 1 u hoqën mijëra profesionistë nga puna, sot kryeministri me veprimet e tij të zeza ka instaluar nenin e ri 24/ 2 për të
DEKLARATA
"Një luftë e re klasash është instaluar në administratë dhe çdo punonjës pret me tmerr se kur do ta thërrasë drejtori përkatës i rilindjes për ta përzënë nga puna. Administrata publike po përjeton ditët e saj më të errëta njësoj si atëherë kur pas vitit 1992 me nenin famëkeq 24/ 1 u hoqën mijëra profesionistë nga puna”.
persekutuar dhe gllabëruar administratën publike dhe për ta transformuar atë në një komitet partie të neveritshëm, që po prodhon një qeverisje të pështirë të paaftësh dhe që prodhon mosqeverisje dhe kriza të njëpasnjëshme që bien përditë mbi shqiptarët",- tha Vasili.