Kokaina në Durrës, Ministria e Brendshme: Opozita po dëmton imazhin e Shqipërisë
"Kapja e 613 kg kokainë, agresioni i opozitës kundër institucioneve dhe Policisë së Shtetit, i papranueshëm" "Sulmet verbale publike dekurajojnë hetimin dhe inkurajojnë krimin"
Pas deklaratave të depu tetit demokrat En kelejd Alibeaj, për sasinë prej 614 kg kokainë të sekuestruar në Durrës, ka reaguar ditën e djeshme Ministria e Brendshme. Përmes një reagimi për mediat, ministria e konsideron tërësisht të papranueshëm këtë agresion verbal kundër institucioneve dhe Policisë së Shtetit. Gjithashtu, thekson se operacioni për kapjen e drogës është përshëndetur nga institucionet ndërkombëtare. Më tej në reagim thuhet se Prokurorinë e Krimeve të Rënda duhet të intensifikojë hetimet dhe t'i shkojë deri në fund zbulimit të së vërtetës, për të vënë para përgjegjësisë cilindo që është i përfshirë në këtë veprimtari kriminale si dhe cilindo që ka ndihmuar e është duke i shërbyer devijimit të hetimit dhe zbulimit të së vërtetës. Në reagimin e Ministrisë së Brendshme thuhet se çdo qytetar i përgjegjshëm në këtë vend që disponon prova dhe fakte konkrete ka detyrimin kushtetues e ligjor t'i vendosi në shërbim të hetimit.
REAGIMI MB
Ministria e Brendshme hedh poshtë me përbuzje, si përpjekje të dëshpëruara për të mbuluar diellin me shoshë në sytë e shqiptarëve dhe për të vazhduar dëmtimin e imazhit të Shqipërisë në sytë e të huajve, të gjithë serinë e deklaratave denigruese të partive opozitare për superoperacionin e Policisë së Shtetit, Hetimit Doganor, si edhe Prokurorisë së Krimeve të Rënda, në kapjen e sasisë rekord të kokainës pak kohë më parë. Ky superoperacion, i përshëndetur botërisht nga Bashkimi Europian, Shtetet e Bashkuara, Agjencia Amerikane Antidrogë, Europol- i si edhe Antimafia italiane, si një sukses i madh i agjencive tona ligjzbatuese, ka gëzuar çdo qytetar shqiptar përveç lidershipit të opozitës shqiptare, i cili nuk po rresht së shpifuri gjithfarë absurditetesh, për të baltosur Policinë e Shtetit dhe lidershipin e Ministrisë së Brendshme e vetë Kryeministrin e Shqipërisë.
Hetimi për zbulimin dhe dokumentimin e autorëve të përfshirë në trafikun e kokainës së kapur në portin e Durrësit është duke u kryer intensivisht nën drejtimin e Prokurorisë së Krimeve të Rënda dhe me mbështetjen e agjencive partnere ndërkombëtare. Çdo qytetar i përgjegjshëm në këtë vend që disponon prova dhe fakte konkrete ka detyrimin kushtetues e ligjor t'i vendosi në shërbim të hetimit.
Në të kundërt sulmet verbale publike nuk synojnë gjë tjetër veçse të dekurajojnë punën e agjencive përgjegjëse për hetimin dhe të inkurajojnë krimin. Ne nxisim Prokurorinë e Krimeve të Rënda të intensifikojë hetimet dhe t'i shkojë deri në fund zbulimit të së vërtetës, për të vënë para përgjegjësisë cilindo që është i përfshirë në këtë veprimtari kriminale si dhe cilindo që ka ndihmuar e është duke i shërbyer devijimit të hetimit dhe zbulimit të së vërtetës.
Ministria e Brendshme e konsideron tërësisht të papranueshëm këtë agresion verbal kundër institucioneve dhe Policisë së Shtetit në radhë të parë, ndërkohë që lufta kundër krimit dhe trafiqeve ka hyrë në një fazë të re dhe me rezultate tejet inkurajuese. E konfirmuar kjo me goditjen e disa grupeve kriminale dhe aseteve të tyre, ndërkohë që të tjera grupe të rrezikshme kriminale janë në fokusin e goditjes në kuadër të operacionit "Forca e ligjit". Ne jemi krenarë dhe mirënjohës që në këtë luftë kemi siguruar besimin dhe mbështetjen aktive të partnerëve të vendeve mike si dhe disa agjencive ligjzbatuese me autoritet të njohur ndërkombëtar si: FBI, DEA, EUROPOL, INTERPOL etj.
Faktet flasin vetë dhe flasin qartë e fortë, krejt ndryshe nga sa përflet përditë pa
DROGA NË DURRËS, REAGON RAMA
Kryeministri Edi Rama i është përgjigjur akuzave të bëra ditën e djeshme nga deputeti demokrat Enkelejd Alibeaj. Përmes një deklarate në media, Alibeaj i kërkonte kreut të qeverisë të tregonte të vërtetën për kokainën në Durrës. "Sulmet e dy partive për superoperacionin policor antidrogë pasqyrë e degradimit të pandalshëm të opozitës - As lidership, as vizion, as program, as skuadër, as ide, as as edukatë, madje as shqipshqiptim e shqipshkrim normal... Vajmedet kush u beson akoma",- shkruan Rama. pushim opozita e çoroditur që nuk po le gur pa luajtur për të penguar punën e policisë, dëmtuar procesin delikat drejt hapjes së negociatave për anëtarësim në BE dhe cenuar imazhin e Shqipërisë në botë. Duke e konsideruar publikisht këtë përpjekje të dëshpëruar të partive të opozitës, si një akt papërgjegjshmërie të skajshme institucionale, politike e qytetare, si edhe duke hedhur poshtë me vendosmërinë më të madhe të gjithë zinxhirin serial të shpifjeve për superoperacionin e kapjes së sasisë rekord të kokainës, Ministria e Brendshme garanton qytetarët shqiptarë se përpjekja e nisur mbarë në këtë fazë të dytë të luftës kundër krimit e trafiqeve të çdo lloji, do të vazhdojë me rezultatet që presin të gjithë duke goditur fort me forcën e ligjit.