Nis nga Divjaka procesi i dezinsektimit për zonat turistike e urbane
Ekspertët: Reduktimi i mushkonjave, i rëndësishëm
Ditën e djeshme ka nisur procesi i dezinsektimit në zonat turistike dhe ato urbane për vitin 2018- të. Kjo nismë është ndërmarrë nga Ministria e Shëndetësisë dhe Mbrojtjes Sociale në bashkëpunim me ekspertët e shëndetit publik, të cilët kanë filluar këtë proces nga Divjaka. Sipas ekspertëve entomologë, është me rëndësi të madhe fillimi i procesit të dezinsektimit në këtë periudhë. "Ky proces ka një rëndësi kombëtare duke qenë se mushkonjat përbëjnë faktorët më të
RENDESIA
Procesi i dezinsektimit nisi në vitin 2014 dhe aktualisht është në vitin e tij të pestë, me synim reduktimin e pranisë së mushkonjave gjatë sezonit turistik, një proces me rëndësi për uljen e mundësisë së transmetimit të sëmundjeve infektive
rëndësishëm në transmetimin e sëmundjeve infektive përpos faktit që janë ndër insektet më shqetësuese. Nisja e procesit të dezinsektimit në fillim të sezonit është i një rëndësie të veçantë, sepse kap fazat e para larvare që kanë çelur si
rezultat i vezëve dimërore. Sa më shpejt që të nisë procesi aq më shumë rezultate do kemi",- u shpreh eksperti entomolog Elton Rogozi. Procesi i dezinsektimit u parapri nga monitorimi entomologjik për praninë e vatrave të rritjes së larvave të mushkonjave në zonën e pyllit, plazhit dhe në zonën urbane të Divjakës. "Ndërhyrja në këtë fazë është shumë e rëndësishme sepse atakimi që në krijimin e fazës së parë larvare para fillimit të këtij sezoni, do të ulë shumë mundësinë e zhvillimit të tyre për të garantuar një sezon turistik sa më te mirë",- tha më tej Fredi Kokoneshi kryetari i Bashkisë Divjakë. Aktualisht specialistët e shëndetit publik kanë nisur procesin e monitorimit që i paraprin atij të dezinsektimit nga Butrinti dhe zonat përreth, duke vazhduar me zonat bregdetare deri në Velipojë, duke përfshirë edhe zonat urbane. Procesi i dezinsektimit nisi në vitin 2014 dhe aktualisht është në vitin e tij të pestë, me synim reduktimin e pranisë së mush- konjave gjatë sezonit turistik, një proces me rëndësi për uljen e mundësisë së transmetimit të sëmundjeve infektive dhe shqetësimeve nga pickimet dhe reaksionet alergjike që shkaktojnë ato në persona të ndjeshëm.