Kontratat e PD, Biba: Të hetohet! Zguri: Propozove vetëm gjobë
Lobimi rus i Bashës, KQZ apel partive: Deklaroni raportet financiare të 2017- ës PS- PD, konsensus për djegien e fletëve të votimit
Komisioni Qendror i Zgjedhjeve u përfshi në debate të forta gjatë mbledhjes së djeshme në lidhje me një hetim që kërkoi numri dy i këtij institucioni në lidhje me kontratën e lobimit të PD. Socialisti Denar Biba kërkoi hetim të thellë, ndërkohë që kryetari i KQZsë, Klemend Zguri i kujtoi se atëherë propozoi vetëm gjobë ndaj PD- së dhe jo hetim të mëtejshëm. "Komisioni duhet vërtet të thellohet në lidhje me këtë, në fund të fundit kjo është detyra, funksioni", tha z. Biba. I menjëhershëm ishte reagimi i kreut Zguri: "Ju atëherë propozuat 30% gjobë, ka qenë propozimi juaj". Por Biba përmendi: "Po, propozova që penaliteti ndaj asaj partie të ishte shumë herë më i rëndë nga çfarë u vendos nga komisioni, nuk u mor parasysh propozimi im". Gjatë mbledhjes së KQZ- së u diskutua mbi miratimin e mënyrës së asgjësimit të fletëve të votimit dhe riciklimit, për raportet financiare dhe rregullat që duhet të ndjekin. Gjithashtu, është bërë një debat politik mbi kontratat e lobimit të PD- së në Shtetet e Bashkuara të Amerikës, me protagonistë Denar Bibën dhe Zgurin. Nënkryetari Denar Biba kërkoi verifikim të plotë të dokumenteve që administron Komisioni. Ai ka hapur çështjen e lobimit të PD- së, duke thënë se ka spekulime se KQZ ka lidhje me hetimin e kontratave të lobimit të PD dhe duke shtuar se kjo çështje duhet të thellohet. Z. Zguri pyeti nëse është e rregullt që të bëhet kërkesë ekstra në buxhet për rojet, apo buxheti do të rivlerësohet dhe brenda shifrave të nxirret fondi. Ai merr si përgjigje se nëse do të bëhej rivlerësim, në këtë rast do të kishte dy lloj kërkesash; ndërsa për shtim fondesh do të kishte vetëm një kërkesë. Megjithatë, edhe pse më praktike, kjo kërkesë nuk është e rregullt për Ministrinë e Financave, pasi është fillim viti.
SHPENZIMET
Një tjetër pikë e rendit të ditës dje në KQZ ishte edhe asgjësimi i fletëve të votimit, i cili u arrit me konsensus që mos të bëhet me djegie, por me Një tjetër pikë e rendit të ditës dje në KQZ ishte edhe asgjësimi i fletëve të votimit, i cili u arrit me konsensus që të mos bëhet me djegie, por me riciklim. Gjithashtu, u diskutua edhe për shtimin e fondeve për mbulimin e kostos së asgjësimit të fletëve të votimit.