Mikrobusi del nga rruga e bie 40 m në greminë, plagosen 10 nxënës
Shoferi Astrit Hysi: Shkak, defekti te frenat. Banorët: Ishte me shpejtësi Gjimnazistja 18- vjeçare transportohet në Tiranë
Një mikrobus, me të cilin po udhëtonin 15 nxënës të shkollës së mesme të Çorovodës ka dalë nga rruga dhe ka rënë 40 metra në greminë. Për pasojë janë plagosur 9 gjimnazistë, ku njëra prej tyre në gjendje më të rëndë si dhe një fëmijë 8 vjeç. Burime zyrtare nga Drejtoria e Policisë së Qarkut të Beratit bënë me dije se aksidenti ka ndodhur mëngjesin e djeshëm rreth orës 07: 35 në afërsi të fshatit Vërzhezhë të Skraparit. Pas sinjalizimit për aksidentin, policia ka shkuar menjëherë në vendngjarje dhe ka nisur hetimet. Ndërsa, është ndaluar shoferi i mikrobusit, Astrit Hysi. Pas kryerjes së veprimeve hetimore paraprake, hetuesit e çështjes pohuan se dyshohet se aksidenti ka marrë shkas pas një defekti teknik të mjetit. Gjithsesi, policia po vijon hetimet për zbardhjen e plotë të rrethanave të aksidentit. Ndërkaq, mësohet se 4 prej nxënësve të aksidentuar janë dërguar për ndihmë mjekësore në spitalin Çorovodës, 5 në spitalin e Beratit. Ndërsa, 16vjeçarja Romina Kapllani është dërguar në Spitalin e Traumës në Tiranë. Nëntë të plagosurit që u shtruan në spitalin e Çorovodës dhe të Beratit, pasi kanë marrë ndihmën mjekësore janë kthyer në banesat e tyre. Ndërsa, gjimnazistja 18- vjeçare vijon të jetë në spitalin e Traumës, por sipas mjekëve ndodhet jashtë rrezikut për jetën.
AKSIDENTI
Mëngjesin e djeshëm, nxënësit nga fshatrat Buzuq dhe Orizaj ( të moshës 14- 18 vjeç) po udhëtonin si çdo ditë tjetër për në shkollën e Çorovodës me mikrobusin me targa AA 445 KE që drejtohej nga Astrit Hysi. Por, në fshatin Vërzhezhë, mjeti ka dalë nga rruga dhe ka përfunduar në humnerë. Fatmirësisht, të gjithë nxënësit dhe shoferi kanë shpëtuar. Dëshmitarë të ngjarjes dje deklaruan për "GSH", se ishte vërtet një mrekulli, pasi mikrobusi është rrokullisur dhe ka rënë 40 metra në greminë. Në aksident u plagosën lehtë tetë nxënës, ndërsa gjimnazistja 18vjeçare Romina Kapllani u plagos rëndë dhe u dërgua urgjentisht në Tiranë. Mësohet se vajza ka pësuar fraktura të kockës së këmbës dhe shtypje të mushkërive, megjithatë gjendja e saj paraqitet në parametra të qëndrueshme. Ndërsa nxënësit e tjerë, me gërvishtje të lehta, morën kurim në spitalin e Çorovodës dhe të Beratit dhe u larguan prej aty pa probleme për jetën. Në njoftimin për shtyp të poli-
cisë së Beratit thuhej: "Në orën 07: 35, mjeti me targa AA 445 KE me drejtues shtetasin A. H. që transportonte nxënës shkolle nga fshatrat Buzuq dhe Orizaj për në shkollën e Çorovodës, ka dalë nga rruga. Për pasojë nxënësit E. K., 17 vjeçe , A. K., 17 vjeçe, R. H., 17 vjeç dhe B. H., 17 vjeç po dërgohen në Spitalin Rajonal Berat për të marrë ndihmë mjekësore, ndërsa nxënësja 18 vjeçare, po transportohet në spitalin
e Traumës në Tiranë për ndihmë më të specializuar. Janë lënduar lehtë edhe 5 nxënës të tjerë, të cilët ndodhen në spitalin e Skraparit, për të marrë ndihmë mjekësore pa probleme për jetën".
HETIMET
Pas aksidentit, policia ka marrë në pyetje shoferin e autobusit, Astrit Hysi. Ky i fundit ka deklaruar se shkak i aksidentit u bë defekti me frenat. Por, banorët e zonës u shprehën se mikro-
busi ka qenë me shpejtësi të lartë, pasi tentonte të parakalonte autobusin tjetër që transportonte nxënës. Sipas banorëve konkurrenca për të mbledhur sa më shumë nxënës të fshatrave e për t'i transportuar në shkollë, ka qenë shkak i shpejtësisë së lartë. Megjithatë pritet që ekspertiza që të hedhë më shumë dritë rreth rrethanave të aksidentit që mund të rezultonte fatal për jetët e 15 nxënësve që udhëtonin