Kokaina në Durrës, nis hetimi pasuror për pronarin e kompanisë ' Arbri- Garden', Arbër Çekaj
Mediat kosovare: Porositësit e drogës, grupe të fuqishme që operojnë në Zvicër
Pas
sekuestrimit të 613 kg kokainë në kontejnerin e kompanisë "Arbri Garden" në Durrës, Prokuroria e Krimeve të Rënda ka nisur verifikimin e pasurisë për pronarin Arbër Çekajn, si dhe për dy punonjësit Donaldo Lushaj dhe Armando Pezakun. Mësohet se prokuroria i ka drejtuar kërkesa bankave, zyrave të hipotekave dhe zyrave të transfertave të parave për veprimet e këtyre tre shtetasve të proceduar. Ndërkohë pronari i kompanisë Çekaj, vijon të jetë në kërkim pasi prej datës 24 shkurt 2017 ai rezulton se ndodhet jashtë Shqipërisë. Në lidhje me këtë rast, kanë reaguar edhe media kosovare. Koha. net shkruan se një pjesë e kokainës së sekuestruar në Durrës në 28 shkurt, ishte porositur nga grupe të fuqishme trafikantësh kosovarë, të cilët veprojnë në Zvicër. "Grupe të fuqishme nga Kosova që operojnë në tregun e kokainës në Zvicër mund të jenë porositësit e një pjese të kokainës që u kap në Maminas të Durrësit mes datave 27- 28 shkurt, dyshon grupi hetimor i çështjes ' Kokaina" që po hetohet në Prokurorinë e Krimeve të Rënda në Tiranë. Ndërkohë që pjesa më e madhe e 613 kilogramëve kokainë kishte si treg kryesor kryeqytetin e Gjer- manisë, Berlinin", shkruan koha. net. Grupi hetimor dyshon se një pjesë e kokainës do të dërgohej edhe në Zvicër, për shkak të udhëtimeve të shpeshta në Kosovë, konkretisht 6 herë brenda muajit, të menaxherit të kompanisë Donald Lushaj. Ndërkohë Lushaj dhe shoferi i kamionit Armando Pezaku, janë arrestuar nga policia ditën e operacionit.