Studentët e ‘ Luarasit’, leksion të hapur me dy ekspertë të huaj
Të rinjtë vlerësojnë maksimalisht temat, certifikatë mirënjohjeje për Jones e Toubi- n Aelita Mani: Përgatisim liderët e së ardhmes
Studentët e vitit të dytë Financë Bankë në Kolegjin Universitar Luarasi, kanë pasur mundësinë të jenë pjesë e dy leksioneve të hapura të mbajtura nga profesorë e ekspertë të huaj. Ditën e djeshme, në auditorët e këtij institucioni arsimor elitar, kanë qenë të pranishëm Tom Jones dhe Ron Toubi që shpjeguan para studentëve leksione rreth menaxhimit të riskut dhe vizionit që i bën liderë në të ardhmen të rinjtë. E pyetur nga "Gazeta Shqiptare", shefja e Departamentit të Ekonomiksit në Kolegjin Universitar "Luarasi", Aelita Mani tregon se këta mentorë japin shembullin më të mirë për studentët, orientimin e tyre në karrierë e të ardhmen drejt rrugës së liderit. "Të ftuarit e sotëm janë trajnerë të peshës botërore që trajnojnë studentët në të 6- ta kontinentet. Studentëve sot ( dje) iu dha mundësia të shohin përtej leksioneve dhe marrin përvojën ndërkombëtare dhe individuale të këtyre ekspertëve si dhe arrijnë të shikojnë shumë më shumë mundësi në botën globale, pasi ne i përgatisim studentët që të jenë qytetarë dhe punonjës globalë", - shprehet për "GSH" shefja e Departamentit të Ekonomiksit në "Luarasi". Më tej, kjo e fundit thekson se studentët ngelën jashtëzakonisht të kënaqur nga orët e leksionit me ekspertët e huaj. "Studentët nuk po ndaheshin nga lektorët, e forma e prezantimit të temave ishte shumë e këndshme për ta, interaktive e tejet interesante. Duke qenë se profesorët po tregonin eksperiencat e tyre individuale, pati goxha interes", - thotë Mani. Nëpërmjet praktikave të tilla, Luarasi vazhdon të mbetet një ndër liderët e arsimit të lartë në vend duke sjellë përvojën më të mirë ndërkombëtare pranë studentëve e duke prezantuar modele suksesi që i japin më shumë guxim e orientim për të ardhmen. Studentët i ndoqën me vëmendje dhe vlerësuan temat e prezantuara prej tyre si një përvojë të mirë për formimin profesional dhe një ndihmë në mentorimin e karrierës së tyre. Interesimi i tyre u duk edhe në pyetjet e shumta që iu drejtuan lektorëve. Ndërkaq, pro- fesorëve të huaj iu uroi mirëseardhjen Dekani i Fakultetit Ekonomik prof. as. Mateo Spaho si dhe në shenjë falënderimi për kontributin e dhëne për mentorimin e studentëve, dr. Aelita Mani iu dorëzoi një certifikatë mirënjohjeje ekspertëve nga ana e Kolegjit Universitar Luarasi. "Të ftuarit e sotëm janë trajnerë të peshës botërore që trajnojnë studentët në të 6- ta kontinentet. Studentëve sot ( dje) iu dha mundësia të shohin përtej leksioneve dhe marrin përvojën ndërkombëtare dhe individuale të këtyre ekspertëve si dhe arrijnë të shikojnë shumë më shumë mundësi në botën globale, pasi ne i përgatisim studentët që të jenë qytetarë dhe punonjës globalë".