ATP: Dosjet e vitit 1995, pronarët që kompensohen
Agjencia e Trajtimit të Pronave publikon listën me 871 përfituesit Ish- pronarët, aplikimet e ezauruara
Agjencia e Trajtimit të Pronave publikon listën me 871 pronarë, të cilëve u është njohur të drejta për kompensim. Dosjet i përkasin vitit 1995. Lista me vlerësimin përfundimtar, ku pjesa më e madhe e dosjeve konsiderohen subjekte të kompensuara është botuar dje në Fletoren Zyrtare. Ndërkohë, gjatë procesit të verifikimit të vendimeve të administruara pranë arkivës së ATP- së janë identifikuar gjithsej 6838 vendime të vitit 1995, të cilat kanë njohur të drejtën e kompensimit subjekteve të shpronësuara, për të gjithë territorin e Republikës së Shqipërisë. Të dhënat lidhur me numrin e vendimit, gjeneralitetet e subjekteve të shpronësuara, sipërfaqja e njohur për kompensim, mangësitë në dokumentacion apo vlerësimin përkatës jepen të de- tajuara në regjistrin që shoqëron këtë njoftim.
DOSJET
Me përfundimin e procesit të vlerësimit të vendi- meve përfundimtare që kanë njohur të drejtën e kompensimit për vitin 1995, numri total i vendimeve të viteve 1993, 1994 dhe 1995 të publikuara arrin në 10,763. Aktualisht, ATP vijon punën me dosjet e 1996s. Ligji i ri përcakton një afat 3- vjeçar për vlerësimin ekonomik të 26 mijë vendimeve të formës së prerë që janë të arkivuara në Agjenci. Kjo do të thotë që deri në 2019- n, kjo praktikë duhet të jetë përmbyllur.
KOMPENSIMI FIZIK
Agjencia e Pronës ka në zotërim 23 mijë hektarë tokë bujqësore, për të cilat ka përfunduar më herët edhe vlerësimi ekonomik, të cilat do të përdoren për skemën e kompensimit fizik. Për ndarjen e kësaj sipërfaqeje, dy do të jenë kriteret bazë. Kriteri i parë është rendi kronologjik i vendimeve, që do të thotë se sikurse kompensimi financiar, edhe ky kompensim do të fillojë me vendimet më të vjetra në kohë. Kriteri i dytë lidhet me vendndodhjen e pronës që do të përfitojnë si kompensim fizik. Pra, pronari do të kompensohet me një pronë nga fondi fizik, e cila gjeografikisht është më afër me pronën që i është njohur për kompensim. Në lidhje me dokumentet që duhet të depozitohen, ato nuk ndryshojnë, por mbeten të njëjta, si në rastin e kompensimit financiar. Ndryshon vetëm formulari i aplikimit, i cili është specifik për secilin rast. Në total janë 26 mijë vendime të formës së prerë, të cilat presin të kompensohen. Bazuar në ligjin e ri, Agjencia e Trajtimit të Pronave ka nisur një proces të ririvlerësimi, ku një metër katror tokë do të llogaritet me çmimet e tregut, por zëri kadastral nuk do të jetë ky i sotmi, por ai që ka pasur prona në çastin e shpronësimit.