Helmoi vjehrrën me fostoksinë, flet xhaxhai i nuses: Gjithë historia është sajesë
Oltian Lami: Marjana mendonte që mamaja ime ishte magjistare, thoshte shpesh ' do ta vras' "Mbesa ime është e pafajshme, duan të hedhin baltë mbi të"
Liria ka tentuar edhe një herë të vetëhelmo het vite më parë, mbesa ime është e pafajshme". Kështu është shprehur ditën e djeshme xhaxhai i Marjana Çmetës, vajzës, e cila është arrestuar pasi akuzohet se helmoi me fostoksinë vjehrrën. Ai ka hedhur poshtë akuzat që rendojnë mbi mbesën e tij, duke theksuar se familja Lami ka dashur të hedhë baltë mbi 21- vjeçaren. "Familja Lami ka dashur të hedhë baltë mbi vajzën tonë. Fillimisht i vunë për dashnor të gjithë meshkujt e fisit e më pas, pasi nuk doli kjo, shpikën këtë histori. Liria ka tentuar edhe një herë të vetëhelmohet vite më parë. Marjana ka shkuar te hoxha me vjehrrin dhe të vëllain. Ka thënë vetëm kaq: Vjehrrës Zoti ja faltë mëkatet. Jo gjë tjetër. Marjana është një vajzë besimtare ka mbaruar Medresenë dhe preket shpejt nuk mund ta ketë bërë këtë veprim" ka thënë xhaxhai i 21- vjeçares, Selim Çmeta . Më tej ai shton se Olti Lami dhe mbesa e tij ishin ndarë pak pas vdekjes së vjehrrës Lirie dhe Marjana jetonte te familja e saj. Pas vdekjes së Liries, që sipas hetimeve është helmuar me fostoksinë në lëng portokalli nga nusja, kjo e fundit në ditën e pestë kur në shtëpinë e të shoqit vajtohej vjehrra,
Ka qenë dëshmia e Olti Lamit, djalit të viktimës, para prokurorëve, ajo çka ndihmoi hetimet për zbardhjen e krimit. Olti ka rrëfyer se kishte marrë vesh ekzistencën e një videoje, të filmuar nga hoxha Hysen Shehu. Pas dëshmisë së dhënë, u bë i mundur përgjimi i telefonatave të djalit të Lirijes me hoxhën. Pas përgjimit të bisedave telefonike, u sigurua një vendim gjykate dhe oficerët bënë të mundur sekuestrimin e videos në zyrën e Hysen Shehut, e cila është një ndër provat që rëndon mbi 21- vjeçaren Marjana Çmeta, të dyshuar si autore të vrasjes së vjehrrës Lirije Lami. Mësohet se pas sigurimit të provave, prokurori Besnik Muçi, kërkoi nga gjykata të miratohen urdhër- arrestet për 21vjeçaren Marjana Çmeta, e cila akuzohet për veprën penale "vrasje për shkak të rrethanave familjare". Hoxha Hysen Shehu ka lajmëruar për ngjarjen e ndodhur bashkëshortin e viktimës Agim Lamin. Gjithashtu, në dijeni ka qenë dhe kushëriri i Lamit, Arben Saliu. Nën akuzë për "moskallëzim krimi", janë vënë në pranga edhe vjehrri i 21- vjeçares, kushëriri dhe hoxha.