Ambasadorja gjermane: S'ka azil Edi Rama: Shkoni si të kualifikuar
Konferenca për emigracionin, kryeministri: Mundësi strehimi për çiftet e reja Schutz: Shqipëria nuk është një vend me persekutim politik
"Ne nuk mirëpresim abuzimin me këto të drejta të lëvizjeve. Numri i emigrantëve dhe azilkërkuesve është akoma tepër i lartë. Shqipëria është një vend kandidat i BE, jo vend me persekutim politik, që ishte një nga arsyet për të dhënë azil dhe do të kthehen në Shqipëri edhe me forcë, nëse duhet, dhe do të ndalohen të hyjnë në Gjermani deri në 5 vjet", tha Schutz.
Ambasadorja e Gjer manisë në Shqipëri, Susanne Schütz, deklaroi dje në një konferencë të INSTAT me temë "Sfidat e emigracionit", se azilantët do të kthehen, nëse është e nevojshme, edhe me forcë në Shqipëri dhe do t'u ndalohet hyrja për pesë vjet në Gjermani. Në konferencën ku i pranishëm ishte edhe kryeministri Edi Rama, ambasadorja gjermane tha se Shqipëria është një vend kandidat i BE dhe jo një vend me persekutim politik. "Shqipëria është një vend kandidat i BE dhe jo vend me persekutim politik, që ishte një nga arsyet për të dhënë azil dhe do të kthehen në Shqipëri edhe me forcë, nëse duhet, dhe do të ndalohen të hyjnë në Gjermani deri në 5 vjet", u shpreh ambasadorja gjermane. Sipas saj, rruga e vetme për të shkuar në Gjermani në mënyrë të rregullt është duke u pajisur me një vizë pune. "Pavarësisht këtyre politikave, tregu është i hapur për ata punëtorë të kualifikuar. Nëse plotësojnë kushtet, ata kanë mundësi të aplikojnë për viza punë dhe 3 mijë shqiptarë kanë përfituar në 2017 nga kjo. Bashkëpunimi me zyrën e punësimit ofron mundësi për të kualifikuarit në Shqipëri", tha Schutz. "Ndërsa shumë shqiptarë largohen nga vendi, jo vetëm në Gjermani, por edhe në vende të tjera perëndimore, dëgjoj shpesh nga të rinjtë që ata do të preferonin të qëndronin në Shqipëri, nëse do të kishin një shans më të mirë për të gjetur punë dhe për të siguruar një jetë më të mirë dhe kujdes të mirë shëndetësor. Kjo është një sfidë e madhe për qeverinë shqiptare dhe unë e vlerësoj që qeveria shqiptare është e vendosur për të siguruar një jetë më të mirë për shqiptarët këtu", theksoi më tej ambasadorja. Ndërsa për kryeministrin, numri i azilantëve shqiptarë ka rënë ndjeshëm kohët e fundit, ndërsa tha se me këtë fenomen është spekuluar. "U bë shumë zhurmë dhe u bënë shumë spekulime me azilkërkuesit shqiptarë. Sot jemi në kushtet kur kemi një rënie drastike të numrit të azilkërkuesve", tha Rama. Sipas kryeminis- "Në Italinë e Jugut, fenomeni i largimeve është tanimë kronik, i cili as nuk është frenuar e as nuk është shmangur dot, nëse bëhet fjalë për një vend anëtar të G7, një ndër 7 vendet më të industrializuar të botës dhe një nga destinacionet e vetë shqiptarëve për të emigruar", mori si shembull dje kryeministri.
trit, emigrimi është një fenomen normal dhe i përhapur edhe në vendet e BE, ndërsa vlerësoi kontributin e tyre për ekonominë shqiptare. "E nëse 50.000 njerëz janë larguar nga
Kroacia, anëtare e Bashkimit Europian, në vitin 2017 nga Shqipëria janë larguar 39.905", krahasoi ai. Por, duke theksuar se ka një rikthim të emigrantëve, Rama tha se, "kësaj tendence ne duhet të jemi në gjendje t'i japim përgjigje adekuate, hap pas hapi, në funksion të integrimit të atyre që kthehen në tregun shqiptar të punës dhe në radhë të parë, në funksion të mundësimit të investimeve të kursimeve të tyre në ekonominë kombëtare". Kryeministri tha se shqiptarët mund të shkojnë në Gjermani jo duke u paraqitur si azilkërkues, por si njerëz me kualifikime të ndryshme. Duke folur për politikat e qeverisë, Rama tha se qeveria është duke punuar "për një Program Kombëtar Strehimi në funksion të çifteve të reja". "Besojmë se ka një mundësi të madhe që duke adresuar siç duhet nevojën e çifteve të reja për strehim dhe duke u krijuar të rinjve një mundësi reale strehimi, ne ta bëjmë qëndrimin e tyre në vend shumë më të mundshëm dhe tundimin për t'u larguar, qoftë dhe për faktin se s'mund të kenë një shtëpi të tyren, shumë më të ulët. Nuk është një shpikje. Është një masë kombëtare, që vende të tjera e kanë bërë përpara nesh, me shumë sukses", tha Rama.